مشكلة اخت زوجي مع اهلها ومعاناتها الي استمرت سنوات ..ايش الحل

السلام عليكم 

اخواتي الفاضلات
هذي اخت زوجي قبل تقريبا 9سنوات صارت بينها وبين زوجها مشكله 
ورماها ولاعاد سال عنها ولا صرف عليها وكانت حامل  وولدت وكافحت وكانت نتشتغل وتصرف على نفسها وعيالها  وطلبت الطلاق واخوانها وافقو 
وفجأه سمعت ان زوجها تزوج عليها  انصدمت وجتها الغيره 
واتصلت عليه وحنت له  ورجعت له بدون موافقة اخوانها  حتى هو اخذها بطريقه غير لائقه ونسيت كل الي سواه فيها من اهانه وبخل ومعامله سيئه .... ومن يومها واخوانها الي هم زوجي واخوانه  كلهم مقاطعينها حتى حريم اخوانها مقاطعينها الا انا متواصله معاها من ورى زوجي بالبدايه  وبعدين دري وزعل وناقشته وفهمته انها عمة عيالي ومابيني وبينها الا كل خير واعتبرها صديقتي ومالك علاقه باللي بيينا .. وافق زوجي اني اكلمها ...بس والله يابنات  نفسيتي تعباانه منها 
بس تندب في حظها  للاسف زوجها استغل ظعفها وابتعاد اخوانها عنها  
وبس يسب فيها ويتريق وجالس عاطل بلاشغل ومتزوج من ثانيه وظروفهم زفتت حتى اكل مافيه ..تحلف لي اخت زوجي انها تسمع اصوات في بطن عيالها من كثر الجوع الي هم فيه ... اكتب لكم وانا ابكي ..
كلمت اخوها قلت له يكفي قطيعه حرام عليكم اختكم مالها احد 
قال هي الي جنت على نفسها تستاهل ..قلت له حرام عندي بنت
قال ان سوت مثلها وكسرت كلام اهلها  بقطع رجلها عن بيتي 
قلت له عالاقل عطيني صدقه من مالك بعطيها اعتبرها وحده محتاجه قال مالها  صدقه...الورث واخذته كااامل  وين راح..قلت له تدفع الاجار منه وتاكل هي وعيالها زوجها جالس مايشتغل لو انها تغرف من بحر يمديه انتهى ...قال قفلي الموضوووع ولا بنقبل انها ترجع معنا زي اول الا ادا جت وتاسفت وقالت حقكم علي يااخواني  انا اخطيت بحق نفسي وبحقكم وطلعت من البيت بدون شووركم ...طبعا اخت زوجي رافضه تعتذرر لاخوانها مع انها ندمانه بس قالت مابي شماتة حربم اخواني  وماهمني بالموضوع الا وضعها اللي مقطع قلبي كل ماسافرت ولا اكلت ولا اشتريت   اتذكرها واكتئب احنا نلعب بالفلوس وهي جيعانه .....عشان كذا قلت لها ادا قضيت للبيت بقسم لكم نصه تعالي خذيه وبدفع لك حق الروحه والرجعه بس شرط زوجي مابيه يعرف ..قالت الله يجزاك خير مابعلم احد وبجي باخذ انا مره محتاااجه 
بس قلت بسألكم هل الشي الي اسويه من ورى زوجي يجووز 
ولو غير المقاضي ودي اعطيها من مالي  ...عادي؟؟؟
ولا علي ذنب .والله اني شايله همها وهم عيالها ظروفهم صعببه جدا واخوانها مو فاكرين ...ردو علي تكفون ولكم مني خالص الدعوات بهاليوم الفضيل....