مشكلة بيت اهلي

انا متزوجه وساكنه ببيت بعيد عن اهلي 3 ساعات 
ونروح لهم كل شهرمررره
طبعا عندي خوات بس امي الله يخليها ماتحرص على جيتهم مثلي
يعني خواتي شوي مو مهتمات بامي غير انهم عندهم عيال كبروا وشغالات 

يعني يصير البيت حوسه ومكركب 
واذا جاو لامي يحبون يطلعوون ويروحون وامي كبيره بالعمر ماتحب الحركه الزايده 
المهم اذا جلست اكثر من شهر زعلت علي 
وخواتي كل اربع شهور يروحون يومين ويرجعون وعادي عندها ولا تدور عليهم
صراحه انا تعبت ماعندي شغاله وامي ماعندها
وعيالي ورى بعض واشقياء مرررره يخربووون على امي
وامي من النوع الي تعصب وتضيق ماتبي احد يحوس عليها يعني ماتقدر انهم اطفال 
وانا تعبت جسميا من الركض وراهم 
ونفسيا من كلام امي واخاف يخربووون شي
الحين امي لها فتره رممت بيتها كله من الا 
وبتاثثه 
المشكله كان البيت قديم واثاث قديم وكانت محاضرات كيف البيت الجديد
والله اني اشيل كل شي عنهم 
التحف والورود والتلفون ارفعه الطاولات اجمعهم فوق بعض واحط فوقهم بطانيه
الدروج اربطهم بحبال 
اخاف يخربون عليها شي
انا الود ودي ماروح واذا رحت اروح منفسه طوول الطريق بس اصارخ على عيالي 
واذا جيت اجلس اسبوع تعبانه من المراكض وراهم 
واذا قلت لخواتي روحوا معي تعذروا قالوا تونا من 3 شهور رايحين
وانا ان كثرت شهر 
صراحه عجزت افهم امي اني اتعب مو راضيه 
الا اجي والمشكله تقلب علينا اذا رحنا 
وتضيق مني ومن تربيتي تقول عيالك فيهم وفيهم 
طيب وش اسوي 
والحين البيت الجديد والاثاث 
من كثر مافكر بالموضوع تعبت 
ليتها تعذرني مثل خواتي خصوصا ماعندي لاشغاله وكل خواتي شغالات وبناتهم كبار وانا عكس 
لا وبنيتي ضعيفه مو جسم ولا صحه 
دايم اتعب 
المشكله تزعل واذا كلمتها تصيح وتقول عيالك بيسووون مثلك اذا كبرتي
اقول بنفسي انا بهيي جو غير اول شي هم مب جايين لي الايومين بتحمل 
ثاني شي الايجي بكيفه والا يروح بكيفه
موغصب 
طبعا زوجي يدري عن عيالي وحركاتهم عشان كذا مايغصبني ابدا على الروحه 
هو يروح لاهله واجلس  يومين ويرجع علينا 
ودائم يقول اجلسي لاتتعبين نفسك لانه يشوفني بالبيت ويعرف حركة عيالي عاذرني اول كان مايرضا اجلس بالبيت 
بس الان لا عادي يقول حرام تتعبين 
وعيالي مايقصرووون من نركب السياره يجلسون يتشكووون 
انهم مالعبوا اني ضربتهم اني سكرت عليهم بالغرفه 
شلون اقنع امي وتعذرني ولانزعل مني