السلام عليكم ورحمه الله وبركاته
من وين ابدا مادري الموضوع وما فيه يالغاليات
زوجي من النوع الى ما يتكلم واذا تكلم يروح يتكلم عند اهله يعني يخبرهم العلوم والاخبار والى سمعه بره والى شافه والى يدري عنه والى سواه ولكن يوم يجي عندي لا يسولف ولا يتكلم اللهم مزح وانا الى اتكلم واقول له كل الى العلوم الى اعرفها واسمعها :44:
يوم اساله يجاوب بقياس هذا اذا سمعت شيء ولم ما سالته ما يتكلم مستحيل نهائي !!!
حاولت وايد اغير فيه هالطبع لكن مستحيل ما تغير واهله نفس الشيء ما يتكلمون ولما يشوفوني يسكتون وما يتكلمون لين صرت اكرهه اقعد معاهم وما احب اقعد الى في غرفتي من كثر الهمز واللمز الى يسوونه عشان ما افهم شو يقولون وكلمته اكثر من مره على هالشيء ويقول حتى لو ما تكلمو اقعدي معاهم يا عاااااااااااالم انا فرفوشه احب الضحك والسوالف فجاه يتقلب ويتغير هذا كله واقعد مع حد ما يتكلم ولا يسولف احس باتغصص :icon33: حاولت اكثر من مره اقعد معاهم لكن لا يمكن ما قدرت لانه يسكتووووون لما اكون قاعده تقولون عزى استغفر الله هذا غير عن حركاتهم الى لا تعد ولا تحصى :09:
هذا كله مش مهم لاني قمت اطنش وتوكلت على الله رب العالمين
السالفه الى خلاص قصمت ظهر البعيرعلى ما يقولون
اني من زمان ابى اشتغل واتعين وقايله لزوجي هالكلام وترجيته يتوسط لي في اي مكان لو يعرف حد وهو وهو ما شاءالله يعرف وايد من الناس اصحاب المناصب المهم بالصدفه وامس قاعده اسولف معاه والعب في موبايله وفجاه طاحت عيني على رساله مكتوب فيها اسم اخته وهو مطرشه كامل حق واحد مدير ويباه يوظف اخته !!!!!!!!!!!!!!!!!!!!!!!!!!!!!!!:mad:
سالته منو فلان عصب وقال ليش تمسكين موبايلي قلت جدام عينك مش من وراك وقال فلان هذا مدير ... والسالفه جذي جذي
بكل امانه كرهته من خااااااااااااااااطري لانه يعرف اني ابى اتوظف وقلت له وظفني وكان جوابه لي انا استحي اكلم الناس حق زوجتي قمت امس قلت له تستحي تكلم الناس حق زوجتك بس حق اختك وحق اخوك ما تستحي قام رد على رد غبي ما يقوله واحد في شخصيته الى هو (((( اصلا يوم اني وافقت تشتغلين هذا يكفيج ))) يعني حمدي ربج اني وافقت اصلا تشتغلين
حسيت الدنيا كلها اسودت في ويهي وانصدمت فيه لاني ما كنت اعرف انه ما يباني اشتغل يعني يقول لي موافق موافق ومن هناك هو لا يسعى لي ولا يهتم اصلا بامور توظيفي !!!!!!
وهو يعرف ويدري انه هالشيء مهم بالنسبه لي جدا لاني للحين ماعندي اطفال واهله مثل ما قلت لكم وهو ما يتكلم اللهم يشتري ويسمع مني السوالف
المهم من يوم الى صار وانا ما اتكلم معاه اللهم السلام واي شي اساسي يعني مارد عليه مالي خلق ولا اكلمه ولا اسمع منه اي شيء احس الدنيا كلها تسكرت في ويهي وكل شيء بداخلي من صوبه تغير عقب الى سواه بالاضافه للرواسب القبليه
حبيت اقول بعد اني صريحه واتكلم معاه بصراحه واناقشه بصراحه بس يوم اشوف ريلي يقول كلام ويسوي افعال غيرها اعتقد معاي حق اني مااهتم اني اصلح علاقتي معاه بعد الى صار نهائي وازيدكم من الشعر يوم يبى حقه الشرعي ياخذه بكل طيب نفس حتى لو كنت تعبانه اما لو انا خاطري فيه وابى حقي عليه يعتذر وينام او ماله نفس :icon33:
سامحوني طولت عليكم لكن الى مرت بالي امر فيه كيف تصرفت مع زوجها واهل زوجها الى دايما ينتقدون ويحبون يعلقون عليج وانتي ما تعلقين ولا تقولين لهم شيء اللهم تعتزلن عنهم منعا للاحراج والمشاكل وحتى لما اسوي جذي يقولون ليش ما تقعد معانا وهم يعاملون سلفتي حرمه حماي افضل مني بوايد لانها تقرب لهم وكانو يسوون معاها نفس الى يسوونه معاي لكن لما وصلت انا صار الدور علي !!!!!!!!!!!!!!!!!!!!!!!!!!!
حسبي الله ونعم الوكيل
يلزم عليك تسجيل الدخول أولًا لكتابة تعليق.
سيده بمعنى الكلمه
•
حبيبتي زوجي فيه من زوجك كثير بس يأست وصرت اطنش مليت من كثر ما اتهاوش واتناقش على نفس الموضوع بس لما يجيكم عيال يصير اهون شوي ومع مرور الوقت يمكن يتغير ان احس زوجي كن وده يتغير كن وده معليش اصبري بس انتي حاولي تبينين وجهة نظرك وانك متضايقه من تصرفاته معك وان شاء الله ينفع.والله يهدي سركم
احتسبيها عند الله
واصبري ياقلبي تراى الصبر زين...
بنسبه لزوجك ادعي من الله انه يسخره لك ويصلح حاله
وبنسبه لاأمه واخوته طنشي ولا على بالك
الله يهديهم يارب ويسخرهم لك
واصبري ياقلبي تراى الصبر زين...
بنسبه لزوجك ادعي من الله انه يسخره لك ويصلح حاله
وبنسبه لاأمه واخوته طنشي ولا على بالك
الله يهديهم يارب ويسخرهم لك
عزيزتي مالك الا الدعاء في اخر الليل ادعي وانتي موقنة بالاجابة صدقيني الدعوة لها مفعول عجيب وانا مجربة اذا صارت عندي مشكلة مهما كانت تفاهتها ما اشتكي الا للجبار سبحانه
وهناك حل اخر له مفعول عجيب ايضا وهي الصدقة بنية تفريج الهموم تكون بينك وبين الله لا يعلم بها احد ....... فرج الله همك.
وهناك حل اخر له مفعول عجيب ايضا وهي الصدقة بنية تفريج الهموم تكون بينك وبين الله لا يعلم بها احد ....... فرج الله همك.
ام اعذار
•
الله يصبرك انا مثلك مع اهلها وأصحابها ما يخلي سالفه ما يقولها
اما عندي تعبان مش فاضي ومن هالكلام بس انا صرت اسوي مثلها
اسولف مع الناس ومعه عااااادي اذا كان فيه شئ ضروري ،،،،،
وانتي حالتك مع زوجك مثل صديقتي لانها نفس طبعك وزوجها على الصامت
بس تقول انها خلاص تعودت وصارت مشغوله مع بنتها ،،،،،،
الله يعينك ويعيننا ويفرج همومنا على خير؛؛؛؛؛؛؛؛
اما عندي تعبان مش فاضي ومن هالكلام بس انا صرت اسوي مثلها
اسولف مع الناس ومعه عااااادي اذا كان فيه شئ ضروري ،،،،،
وانتي حالتك مع زوجك مثل صديقتي لانها نفس طبعك وزوجها على الصامت
بس تقول انها خلاص تعودت وصارت مشغوله مع بنتها ،،،،،،
الله يعينك ويعيننا ويفرج همومنا على خير؛؛؛؛؛؛؛؛
وانا عندي نفس المشكلة بالتمام والكمال حتى ما عندي اطفال ودار حماي ساكنين عندي ونفس المشكلة بالضبط ونفسي الاقيلها حل
الصفحة الأخيرة