مشكلة تسمية الاولاد

السلام عليكم...

حبيت أقولكم مشكلة ربيعتي صح أنكم بتشوفونها مشكلة تافه بالنسبة للمشاكل إلي تنطرح


ربيعتي متزوجة من 9 سنوات وعندها الحين 4 عيال بنتين وولدين الله يخليهم لها والحين هي حامل

في الشهر السابع...

مشكلتها إن ريلها يبا يسمي البنت أو الولد إلي ياي فالطريج بأسامي أتذكرها بمصايب أهله...يعني

يعني اسم عمته...أخوانه إلي سوولها مشاكل...و يعيبه تطبيق " خير الأسماء ما حمد وعبد "

في ولدها الثالث بغا يسمي الولد باسم أبوه وهي مب عايبنها الاسم...تعبت وايد فالمستشفى...وتمت

فالمستشفى 5 أيام وما زارها...عقب يوم طلعت غير الاسم...وسماه باسم يذكرها بأخوه.الي بسببه طلعوا من البيت من كثر ما يعمل لهم مشاكل

وهم حاطين أنهم يسمون بالدور يعني مرة دوره ومرة دورها...وهي يوم أيي دورها اطلع اسم وتشاوره

إذا وافق عليه اتسميه بس هو يوم دوره يصر عالاسم وهي مب عايبنها وما يشاورها...

وكل ما تذكر إن موعدها قرب تضايج.

...يستوي الموضوع موضوع كآبه ولا كأنه مفروض يفرحون

بلي الله يرزقهم إياه...والسبب الاسم....

أنا في إنتظار ردودكم ومساعدتكم...:09: