مشكلة صديقتي هي تقرا ردودكم

بنات بنسخ لكم رسالة صديقتي من الواتساب واسيتها بس صار لها أسبوع حزينة ووتقول أنها ماتاكل وفقدت الأمل بالحياة أبيكم تقولون لها شي يشجعها عجزت فيها منهارة مرة وكله تبكي أنا بقولها حطيت الموضوع هنا عشان تقرا ردودكم الحين بحط نص رسالتها إلي أرسلتها لي بس بمسح الأسماء
( يا.... وينك حاسه نفسي متضايقه وبموت أمس تهاوشت مع ........وكانت هي الغلطانه تدرين وش قالت لي؟؟؟؟قالت لو فيك خير كان تزوجتي من زمان !!!!!جرحتني بكلامها مفروض هي اخر انسانه تقولي هالكلام انا والله ماهمني الزواج وعادي عندي لو ماتزوجت لكن ليش تعايرني على شي مو بيدي وشي ماأقدر عليه؟؟؟ليش تحسسني انها منتصره علي وهي تعايرني بمثل هالموضوع؟هل تبيني اروح اطق ابواب الناس واقول زوجوني ولدكم تكفوون؟؟ليش تعايرني بشي كاتبه ربي لي وتقول لو فيك خير كان تزوجتي؟؟يعني انا مافيني خير؟؟؟ردي علي تكفين انا مافيني خير؟؟؟يعني الي ماتتزوج مافيها خير؟؟؟ طيب انت تدرين جاني معدد ورفضته يعني لو قبلت بيكون فيني خير ؟؟؟؟انا مستانسه بحياتي كوني مو متزوجه واذا جاني شخص مقتنعه فيه بقبل ماجاني ماراح اجبر نفسي على شي مابيه هل أنا غلطانه؟؟؟هل انا مذنبه؟؟؟)
وهذي بعض ردودها علي
(ادري انتي نفس ظروفي بس محد تهجم عليك وقال لو فيك خير كان تزوجتي)
(انا اتمنى اموت ويدخلني ربي الجنه )
(انا مليت من هالحياه انا مدري الناس وش تبي من انسان كافي خيره شره واذا جاء بيدافع عن نفسه قاموا يطلعون شي يحسونه انه عيب انا ماشوف عدم الزواج عيب بس جرحتني بكلامها ماتوقعت يصدر منها وثاني شي حسستني ان كل المجتمع نظرتهم لي ان مافيني خير واني ناقصه )
بنات ردوا عليها هل أنتم تشوفون الغير متزوجة مافيها خير ولو فيها خير كان تزوجت؟؟؟
نشرت كلامها بعد موافقتها