مشكلة عضوة @@@

اشكر العضوة راحة وفرح على استقبالها لمشكلتي وانزالها بعضويتها
انا مطلقة وعندي بنت عندي مشكلة محيرتني مع قريبتي نفسي اقطع تواصلي معها ولكن المشكلة قريبتي ، اوضح لكم اكثر ، امها تقرب لطليقي وابوها يقرب لي << يارب فهمتو
من يوم ما تطلقت من ثلاث سنوات وهي تحاول تخليني بالصورة امام اهل طليقي !!
اعطيكم امثلة
كذا مرة لما احضر حفل زواج يكونو فيه معزومين اهل طليقي تتعمد انها تجيني وتقول تعالي نغير مكاننا ونروح هناك << تأشر بيدها لمكان قريب من اهل طليقي !! ولكن انا ارفض واقول هذا المكان عاجبني وتنفخ فيني وتزعل وتروح
ما همني زعلها عنها ما رضيت
الموقف الثاني كذا مرة تطلب مني واتس صور بنتي اقولها دايما تشوفيها على الطبيعة ليش تبغي صورها ؟
فتعطيني اعذار كثيرة المهم ما احب كثر الهرج واعطيتها صور بنتي ، فيوم من الايام بنتي ياخذها ابوها وتشوف صورها عند ابوها واعمامها تقول يا ماما نفس الصور اللي ترسليها لهذيك الحرمة !!
استغربت من تصرفها ليش كذا تسوي !! معناتها ترسل صورها لاهل بنتي !! طيب اهلها يشوفوها ويصوروها وقت ما يبغو !!
يا خوفي تحسسهم انها توضح لهم اني ميتة على الرجعة !! وانا ما ابغاه خير شر خصوصا انه متزوج ومخلف ودائما ادعي بالعوض الصالح
المهم في موقف ثالث ، كذا مرة تقول انو زوجة اخو طليقك تبغا رقمك وتبغا تتواصل معاكي
ولكن انا اعتذرت قلت لها وليش تتواصل معي مابغا اي علاقة معها ، وهي زعلت علي تبغاني اتواصل معهم بأي طريقة !! امرها عجيب هالقريبة
وانا بصراحة ما ابغا اتواصل معهم عشان لا يروح فكرهم بعيد اني اركض وراء ولدهم ، الناس ما ترحم ودايما يشكو في المطلقات وياما سمعت وشفت يظنو فيهم ظن السوء
ومواقف كثيييرة توضح انها تبغاني اكون بالصورة امام اهل طليقي
نفسي اواجهها ولكن قلت يا بنت طنشي وتجاهليها ولا تكثري الكلام عليكي