مشكلتى =انا والكرسى

ملخص عن حياتى الوظيفيه :
= الحمد لله والشكر لله طول عمرى دائما جالسه على الكرسى الصح فى المكان الصح كنت اعمل مع والدى فى الاعمال الحره وكان لى أفخم كرسى (بنت صاحب العمل) اقبض العمال ،اقيد فى دفتر اليوميه ،احاسب البوفيه ،احضر مناقصات ، اكتب على الأله الكاتبه كل شئ كان
كل هذا بجانب استكمال الدراسه الجامعيه لكن وانا قاعده على أفخم و أحلى و أكبر كرسى (طبعا لأن كان حجمى صغير فى تاريخه )
واشتغلت فى الحكومة
درجه ثالثه الظروف جعلتنى رئيس قسم المعاشات المكان منشأ جديد ولسه مفيش درجات وانا عامله ريسه على اتنين موظفين مع احلى كرسى
= تركت كرسى الرئاسه فى المعاشات وبذلت مجهود لكى اعمل فى الماليه وخصوصا المراجعه وقعدت على كرسى ايديال صغير وباشوف العمل بحب يقرب الى الهيام
اصلى كنت خبره طبعا من خلال كرسى الوالد
= مرت السنين والكرسى مع كل درجه كان بيتغير الأول رمادى اصبح ايديال اسود وله يدين كمسند يعنى اخد راحتى شويه ولو اتقطع ولا الاسفنج منه ظهر اثور دا انا على درجة مدير ادارة
= الخبرة بتزيد والشطارة بتزيد والسن بيزيد والجرأة بتزيد والكراسى لا يتغير
= واذ فجاءة تم استحداث درجةكبير اخصائيين موازيه لدرجة مدير عام
المرتب اتغير والمسمى اتغير ولكن للاسف ما جبوش سيرة الكرسىفى الوضع ده يكون مواصفاته ايه( الصبر يارب مع الصبر اخدت صلاحيات نائب المدير فى حالة غيابه وللامانة الراجل ما بيغبش ابدا ملتزم جدا حاجة تجنن
= مع الصبر اكتر ربنا بارك فى ولمديرى واترقى وكيل وزارة
=واخيرا اخيرا قوى انتدبت كمدير عام كمدير عام وليس مدير عام اصلى
= معلش شويه وهتيجى السن56 سنة وانتقلت لحجرة المدير العام وبالكرسى المميز وبكل خبرة السنين وباشرت شغلى بروح جديدة من على كرسى المسئوليه والمسائلة لحين تتويج رحلة الكفاح بالدرجة وتثبيت الكرسى ذات المواصفات الخاصة ( عريض - ذو ظهر عالى – يمكن تعليته – بيدور – به عجل )
= وفجأ وبلا سابق انذار تم تثبيت غيرى على الدرجة وعلى هذا الكرسى لا اعتبار لرحلة ( شقاء وعطاء تعلم وتعليم وصبر ومجاهدة للنفس وولاء للمكان وعدم الجرى وراء الفرص )
= دموع – استغراب- تساؤلات- وقرار لماذا لا اذهب لاصحاب القرار( للاستفسار وطلب الحق ان كنت احق)
=تظلمت الى رئيسى المباشرفى كلمات قليلة واوضحت ان هناك من يعمل لذاته ومن حوله لمجاملة الاخرين على حساب من اكدى واعطى( وكان رجلا والرجال قليلون)
= وتفاجأت قرار سريع لنقلى فى خضم الاحداث واعطائى الفرصة كاملة للحفاظ على كرسيه ( قرار لا ينسى من رجل فاضل حكيم حاد باتر ) دارئيس رئيسى
= وفرضت على مجموعة ترفض تماما تواجدى ترأسهم سيدة ظاهرها (عاقلة-حكيمة-اداريه-ذات سيطرة-تخاف الله وتذكره فى كل عمل وكل حين ) ظاهرها مرة اخرى
=وكان قرارمنها الجلوس على احدى الكراسى بدون مكتب لحين دراسة الوضع
= كيف سيدتى الفاضلة الرد معلش ازمة مكاتب ازمة كراسى
وكانت البدايه
_ركوب سيارة الدوره العموميه من درجة كبير حتى الخفير وطبعا غير متوفر كرسى
والنظرات والهمسات ومع الاضطرار قلبت الكرسى الجانبى الذى يقفل ويفتح وجلست عليه ولكن جعلت وجهى للمجموعه بالكامل يعنى عكس اتجاه السير طبعا علشان حد ينكسف من الشباب اللى قاعد ويشوفنى لكن هيهات وطبعا صورت المنظر الجميل البديع
_فى الادارة جلست على كرسى جانبى بدون مكنب وبدون ساتر وايضا بدون عمل امعانا فى مضايقتى ( الصبر يارب )
_بعد شهر تقريبا حالى صعب على واحده اميره وقالت لى انا واخده اجازه مدة اسبوع مكتبى وكرسى تحت امرك والكلام كان قدام الريسه واخدت درس فى الاخلاق
"انت فاكره نفسك فى بيتكم بتعزميها "وطبعا مع نظرة حاده طويلة منى حتى قالت لى "ما يصحش انت اكبر من كده بكتير" وكل ده علشان تحرمنى من الراحه على مكتب وكرسى حتى ولو صغيرين
_وبعد شهر اخر ومع تكرار طلب كرسى ومكتب وأعمال حتى للقيام بها كان الرد "ارجعى مكانك انت ايه اللى جايبك عندنا" وبما انى مصممه على بلوغ الهدف وهو الدرجه وما يليها من كرسى مناسب قلت اخد درجتى وبعدين امشى كلنا بنشتغل فى الحكومه مش عند سيادتك فى البيت
والحمد لله تم ترشيحى للدرجه وطبعا بواسطة الرجل الفاضل الحاد الباتر
و شكرته واشتكيت له ونصحنى بالجلوس على اى كرسى مع احد الرجال الافاضل وانى اتعامل معاه لخبرته وكرم اخلاقه واحسبه على خير ( الرجل ذو الخبرة الماليه والاخلاق )
_وأخيرا... اخذت قسط من الراحه على كرسى جانبى مريح واخذت كثيرمن خبراته اللى اصلا ماكنتش اعرفها
_واترقيت وفرحت وطلبت مكتب وكرسى، اترجيت يتوفر لى مكتب وكرسى ، صرخت عايزه مكتب وكرسى ، اشتكيت رسمى يا ناس مكتب وكرسى ، وكان لازم الجأ لأكبر رأس الفاضل الحاد الباتر وتم التوجيه بتوفير ما يتناسب مع الدرجه
_وبسرعه وصلنى مكتب وطبعا قديم و تم تصليحه لكن كرسى كلا والف كلا وكأنهم عارفين عقدة حياتى ، حاولت الرشوه ما فى فايده ،حاولت بأشياء كثيره أبدا وكأن مش مكتوب على بلوغ الهدف
_صبرت اكثر من سنه وأخيرا اترقت الريسه واترقى الرجل ذو الخبرة الماليه والاخلاق وكمان أعطانى المكتب والكرسى بتاعه وفرحت به جدا كان بالمواصفات اللى أنا عايزاها اسود /ذو ظهرعالى / بيدور / بعجل / يعلى و يخفض
_ وبعد شهرين انكسر رجل الكرسى خفت ابعثه للتصليح وفعلا ضاع ... ضاع حلم حياتى ... وضاعت معاه كل أحلامى – الهيبه– والمركز – وأصابنى حزن شديد
وقاومته وحاولت كتير ادور عليه لمدة سنه و أنا بأدور عليه وطبعا طوال السنه وأنا قاعده على كرسى رمادى لا لا هو الحقيقه بيج ومش ايديال وظهره قصير وبيلف بس حصلت عليه بالواسطه صعبت على احدى الموظفات فوصت أحد السعاه وتم الحصول عليه بطرق غير شرعيه وكل ما أقعد عليه افتكرالموضوع واشعر بالذنب كأنى سرقته اصله جالى بطريق غير شرعى و طبعا هى أخذت كرسى بمواصفات كراسى وكيل الوزارة لانها واصلة للسعاة اكتر منى بكتييير.
_ومازلت أحلم بكرسى
يا ترى المشكله أصعدها ولا اكتفى بهذه الرحله من الكفاح وهل ممكن المجلس الاعلى للقوات المسلحه ... لو طلبت حقي فى كرسى مناسب يحقق حلمى ويصحح وضعى ويرجع لى هيبتى وكرامتى التى اهدرت بسبب كرسى

ارائكم بسرعة
دا موضوع مش هزلى
دا موضوع حقيقى
وعايزه حلول
واراء
وتعليقات
سلبيه كانت او ايجابيه