مشكلتييي ياجماعة ادخلوا واسمعوا السالفة

أنا مشكلتي ياجماعة الخير مع زوجي واللي عندها الحل لاتبخل به علي وبدعيلها في ظهر الغيب مشكلتي خيانات زوجي اللي من سبع سنوات مب قادرة أحلها بس نفس الوقت أنا متأكدة انه مايزني بس مجرد مكالمات في التلفون وطبعا أنا أفتش تلفونه ووأواجه ما يعترف ويقلب السالفة علي اني ليش أفتش التلفون وهو اللي يزعل واخر مرة كشفته يكلم وحدة وما قدر ينكر فقاللي انه متزوجنها وطبعا زعلت وبعدين طلع جذاب مب متزوجنها بس علشان يقهرني وعلى قولته علشان تيوزين عن التفتيش
والمشكلة الثانية وهي محرجة انه مايقولي كلمة حلوة ولما يبغي المعاشرة الزوجية مستحيل يطلبها بالكلام او يقولي بصريح العبارة لازم أنا اللي أتوقع هالشي بس في الفراش يتقرب شوي شوي ويبدا بدون ما يقولي شي يعني أوقات هو يبغي وأنا ما أكون فاهمة وأرقد عنه ويتم في خاطره وما يتكلم يعني مب مثل الرياييل اللي يطلبون من حريمهم لبس معين أو شي من هالقبيل ولا أصلا يتكلم بهالموظوع معاي وانا بعد لما أشوفه يستحي بعد أنا أستحي كوني حرمة
رغم اني جميلة وانا متاكدة اني اغريه ويحب شكلي وعندي منه بنتين وولد والرابع في الطريج بس ما عرف ليش الحواجز هذي يعني مب واضح معااي
واسمحولي طولت عليكم