مشكلتي.

السلام عليكم ورحمه الله والله يتقبل منا ومنكم صالح الاعمال.
يا جماعه انا ما فقت على نفسي الا قريب خبصت حياتي مدري وين انا رايحه احسني وحيده مو احس انا فعلاً وحيده
مو بس كذا البي رغبات الناس على حساب نفسي , اذا احد يبغى شيء وانا ما ابغاه وما اطيقه اسويه لانه هو يبغى ولاني اخاف من كلامه .
يعني اخدم الناس حتى لو كنت مصدعه ولا جايه من الدوام منهكه على الاخر هالشيء حلو لو مره مرتين بس انا كل يوم كذا .
انا واختي بغرف وحده اذا هي نامت ممنوع احد يقرب لها اما انا اذا نمت تجيب جوالها وتشغله بدون سماعات وتحط قهوتها وتتقهوى تحسبوني حليت المشكله وكلمتها لا غيرت نومي صرت انام بالوقت اللي تنام فيه واقوم بالوقت اللي تقوم فيه حتى لو مالي نايمه ساعتين واستنى لين ما تنام هي عشان اروح انام ما اكلمها لاني اخاف من لسانها.
ما اقدر اعطي رائيي او فكره عندي لان اخاف ما تكون مناسبه عند اي احد ما ارقص لاني اخاف من انتقاد الناس
والله اني اذا كنت زعلانه وواصله معي للاخر من شخص لانه غلط علي واجهز كلام عشان ارد بمجرد ما يجي يطلبني اي شيء اعطيه واخدمه على حساب نفي وانا من جوا نار شابه مو حب بس خايفه اقول لا يرفع صوته ويغلط .
حاولت كم مره ارد على اللي يغلط معاي بس اكلج وانا اتكلم ويضحكون كلهم واحس اني ولا شيء .
صاحبتي من بدايه الترم الثاني وانا اسوي عنها بحوثه وبحوثي واجباتي وواجباته والله اني كأني اداوم عنها وعني ومع كذا تنفر مني وتقول استنى الاجازه عشان افتك منك ومشيت كل هذا اليوم فيه بحث وما لقينامجموعه ندخل فيها متحلفه فيني يوم الاحد عاد هي صوتها كبير وعالي وترفعه ما تكلج قد تخانقت هي مع وحده عندي والله مسحت بوجهها الارض .
انا من الثانوي ما كنت كذا بس مدري شصار لي .
جلست افكر لي كم يوم من اللي يكلمني لانها يبغى يكلمني انا بدون ولا شيء والاجابه محد والله اني امر باشياء مايعلم فيها غير ربي وماني لاقيه احد افضفض له او يعطيني رأي محايد
والله اني ما اخذ حقي حياتي سبيل للي بيجرب اي شيء ما اقدر اردعهم
فيه وحده اعطيتها لين قالت امين ياما سويت لها اشياء وانا حالتي مزيه واللحين متسلطه علي من تحت لتحت ماتدري اني عارفه لها شهر ماني قادره اوقفها عند حدها لان لسانها يلعلع وتتريق علي لاني اكلج
.الله يخليكم ساعدوني بدون تجريح