مشكلتي

السلام عليكم ورحمة الله وبركاته
كيفكم يابنات
ابختصر مشكلتي انا متزوجه من سنه ونص من زوج مازوج قبلي وحده وعنده ١٠ ابناء الحمدلله شخص محافظ عنده بعض السلبيات لكن ايجابياته تطغى
زواجي هذا جاء بعد ثلاث زوجات الله ماكتب لها التوفيق والحمدلله على قضاءه وقدره
طبعا زواجاتي السابقه بدون اطفال الاول ماستمر ١٠ شهور والثاني سنه ونص والثالث ثلاث شهور وصراحه كلها كانت اختيارات فاشله بكل المقايسس وربي كتب لك كذا
مالكم بالطويله
زواجي الاخير عقلاني بكل معنى الكلمه هدفي فقط اني اكون متزوجه وانجب اطفال واتوظف واعيش حياتي
زوجي الحمدلله يحبني لكن انا مشاعري من ناحيته عاديه يعني اذا غاب مااشتاق له وماحس اني اغار عليه كثير
حتى هو لاحظ مع العلم اني اقوم بكل واجباتي واحاول احتويه بصراحه هو فيه اشياء سلبيه لكن يوم اقارن بينه وبين الي قبله هو يتفوق عليهم بمراحل
المشكله باختصار اني مااحس براحه ولامتعه ب بيتي انا ساكنه بنفس العماره الي فيها زوجته الاولى وكذا مره اسمع منها كلام وهواش وانا طالعه من بيتي بس اسوي نفسي ماسمعت شي ولاعمري رديت عليها
مشكلتي الثانيه ان عندي قلق وتوتر واحيانا افكر ب اشياء تافهه وتاخذ من وقتي بدون فايده احنا بالوراثه فينا قلق يعني عرضه للاصابه بالاكتئاب وغيره
ودايما احلم بحشرات وحيوانات وفسرة حلمي عند شيخ وقالي هاذي عيون الناس لكن بسبب توفيق الله لك مالها تأثير كبير عليك
الزبده يابنات وشلون احب زوجي واتحمل اخطاءه واتقبله احيانا احس انه ماهو لي له حياته وزوجته وعياله
فيه وحده اخذه واحد متزوج تحس بنفس الشعور
شعوري ماهو غيره لكن احساس بعدم الارتياح بالبرود اتمنى تكونو فهمتوني
شاكره لكم ولاتطنشون ردو علي كلكم