مشكلتي إلي ماااااااااا لقيت لها حل

مرحبا بنات
أنا إنسانة متزوجة من عشر سنوات
وعندي 3 أطفال الله يخليهم
زوجي زين معانا وما اشوف منه مشاكل
حياتنا هادية ومتفاهمين
أنا أسوي له كل شي يبغاه وأدلله
وهو ما يقصر بمقاضي البيت وملابسنا
والحمدلله متعاونين في كل شي
مشكللللتي
زوجي ما يدلعني ولا يسمعني كلام حلو
ولا كلمة غزل وحدة
وسوالفه كلها عن احداث تدور في بيتنا او منطقتنا
او بمحل عمله
ما يحسسني بأنوثتي أبدا أبدا
لما أكشخ وألبس ملابس مو متعود عليها
ما يتكلم ولا يهمه
وحتى لو ألبس قمصان روز ليل نهار عااااادي
ما تفرق معه
مع إني أقسم لكم بالله إني جميلة والكل يقول
ومهتمة في شكلي وشعري وريحتي دائما حلوة
صرت فاقدة عاطفة وحنان
وعند أقل كلمة من الناس أذوب
واذا مرضت ما يسمعني كلام حلو مثل ما تشوفين شر يا قلبي
ولاااا شي من هالحكي ما أسمعه منه
تهاوشت معه لين عجزت وقلت له اذا ما سمعت منك الغزل والكلام الحلو أسمعه من وين؟؟
يصرفني يقولي أحبك وينتهي موضوعه
موووو حاسة بأنوثتي معه
حتى وقت العلاقة ما أحس بمشاعره
أنا إنسانة حنونة ورومانسية وياما أهديته هدايا
وسفرات لتركيا وشرق آسيا ما يبادلني بالمثل
ماااا يحب الحريم كثير
ولايغريه شي لو ألبس له أحسن لانجري
وهو مافي راسه العلاقة لو أموت ما يتنازل
هو كريم ماديا لكن بخيل في مشاعره وما يعرف يعبر حاولت معه بالطيب وبالحكي الحلو
مافيه أمل هو قروي وبيئته جافة ولا يعرف يدلل أنثى
صار لي عشر سنوات أقوله حكي حلو وأتغزل فيه
لا حياة لمن تنادي
ولما أسفهه ولا أقوله ما يطالبني بالحكي الزين عادي ما تفرق معه
أحس فيني مشاعر وعاطفة وأبغى ألبس وأتعطر
وأغلف هدية وأسوي حلا وأجلس معه وأشوف المشاعر بعيونه واحساسه
بس ما يقدر هالأمور ويتهرب وهالكلام كله ما يعني له شي
يسولف كثير بس عن شغله ومشاغله ولا جاب خبري في شي
كيف أتعايش مع هالمشكلة؟؟
أحس أبغى مشاعر حياتي جااااافة وجامدة
وفاقدة كل شي معنوي