مشكلتي / استوفى

اذا بديتي سوالف فكري انك راح تتحسفين على كثر البربره وبتلومين نفسك ومراح تخلينها في حالها عشان تتوب يا نفسك يارب فهمتي علي

فهمت عليك بس المشكله الضمير مايصحى الا في الاخيررررررر

اذا انعزمتي او متوقعه زيارة احد حددي السوالف اللي تبين تسولفينها في ورقه و قلم واللي المفروض ما تسولفينها.. ترا أكلمك جد ما اتغشمر،، ومو لازم تخلين الورقة معاج لكن هي طريقة لتنبيه و للتذكير نفسج واذا حسيني انج تبين تقولين السالفة اللي المفروض ما تنقال عضي على لسانك لكن عالخفيف و صبي لك استكانة شاي او اي شي يلهيك عن تذكر هذي السالفة و تذكري السوالف اللي عادي تسولفينها

شوفي انتي بتضحكين علي ها لطريقة لكن هذي طريقة تدريب مع الوقت راح تنضبطين من غير ما تحتاجين تكتبين

والله يوفقج

رفع

لو كنت شايفة جنبك من اليمين ملك ماسك صحيفة اعمالك وربي ترتاعي وما تقولي الا خير

او

لو كنت شايفة شيطان فوق راسك قاعد يوسوس لك ويحرضك تفرطي السبحة وتقولي اي كلام اظني بتتعوذي بالله من الشيطان الرجيم قبل تفتحي فمك

أو

لو انك شايفة ان كل كلمة تقوليها بتدفعي مقابلها ريال كان حسبتي حساب لكل كلمة تنقال

فيا قمر الله يسعدك

اكرمي الملك الذي يكتب واستعيذي بالله من الشيطان الرجيم واحسبي حساب الكلام الي بتدفعي ثمنه من حسناتك او حياتك فالله عز وجل يحاسب على مثقال ذرة وكله نتحاسب عليه والله المستعان

﴿ يَا أَيُّهَا الَّذِينَ آَمَنُوا اتَّقُوا اللَّهَ وَقُولُوا قَوْلًا سَدِيدًا (70) يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا (71) ﴾

الله يحفظ لساني ولسانك ويخلصني ويخلصك من اللغو والزلل ويجعلنا من الصادقين المتقين يارب