مشكلتي اللي تعبتني ومالها حل

السلام بنااات
عشان مايصير فيه تناقضات هذا معرف اختي وانا سجلت هنا بس باقي مافعلو العضويه لكني مكتومه وابي افضفض تعبت من عيشتي )


عمري 17 سنه من عرفت نفسي ع هذي الدنيا وانا عندي مشكله في النطق كبرت وكبرت معي هالمشكله ماتتخيلون قد ايش هزت ثقتي بنفسي وكسرتني من داخل وسببت لي رهاب اجتماعي وخوف وهلع مشكلتي في الحروف الصفيريه (س /ش/ص/ض) مايحتاج احكيكم عن *** المطالعه و*** التعبير و*** القواعد وشلون تكون كابوس بالنسبه لي نظرات البنات وتحطيمهم وتقليدهم لي 24 والابله تقول عيدي مافهمت و*** القران هذي رعب حقيقي لانه يمشون بالدور ولاجا دوري ارجف من الخوف البنات بالفصل تجاهي منقسمين قسمين قسم يتشمت ويضحك والقسم الثاني صديقاتي وغيرهم ينظرون لي نظره شفقه وحزن والله انا ذكيه وشاطره واوقات اعرف اجاوب بس ماارقع يدي بال*** ولا اشارك عشان مااعرف انطق واضحك علي العالم هذا غير بالجمعات والاعراس والاماكن العامه امي وخواتي ماحسسوني بشي بالعكس يشجعوني ويفهمون كلامي بس المشكله بالناس برى والعالم الخارجي محد يفهمني مححد عجزت حتى بالمقصف لما اطلب مايفهموني لما ادق ع مطعم لما اروح محل واطلب شي محد فاهمني ارجع البيت ابككي ابككي رحت استشاري نطق ومخاطبه مااستفدت منه شي كني طفله يقول رددي واردد ولا اقدر اقول شي رحت دكتوره اسنان شافت اسناني والفك واللسان كلهم طبيعيين اه يابنات كل ماافكر اني بخلص ثانويه وبدخل جامعه وعندي عروض و بحوث اضييق واخاف لدرجه ابي مااكمل الجامعه وامي رافضه تقول لازم تكملين وكل ماافكر بالزواج احس اني احلم ولا واحد تقدملي للان ادري صغيره بس كل خواتي بعمري تقدملهم 3 اقل شي وصديقاتي متقدمينلهم واللي مخطوبه وازوجها يطلب منها تغني اقعد اتخيل نفسي من هذا اللي يبي ياخذ وحده كلام زي الناس ماتعرف تقول باقي تغني واتحطم البنات بالسناب يتكلمون ويغنون وانا عالصامت كم مره اتكلم وارجع احذف احس اني قاعده امسخر نفسي تعبت يابنات تعبت لمتى تلازمني هالمشكله طول حياتييوم كنت طفله كان لي علاقات كثيره وكنت اجتماعيه ويوم كبرت وبديت اكتشف اني مااتكلم زي الناس وتظرات الحساد والشماته بعيونهم وشفقه الناس اللي يحبوني تذبحني يوم بعد يوم اتمنى اكون طبيعيه لو يوم واحد والله لو فيه عمليه تخليني اتكلم طبيعي لاادفع اللي وراي ودوني فيها لكن حتى الدكتور يقول ماتحتاجين ولا فيه الا للفك وانتي فكك سليم تعبت تعبت