مشكلتي في الكلام..........؟؟

السلام عليكم ورحمة الله وبركاتة

انا هذا المشكلة دائما اواجها وبالذات لما يكون في ناس كثير
وهي لما اتكلم في وسط جمعة حريم او اي ناس وبعدين اشوفهم
بدءو يلتفتو عليا احس انو وجهي يصير احمر,, واحس حرارة في جسمي,,
ووجهي ,,....ولا ابغى اكمل,, واحس اني خلاص بدئت الخبطت في الكلام,,
بس مااقدر انسحب من نص الكلام لازم اكمل الى الاخر ,,واشوف نظراتهم
عليا ,,ولما اغلط في شئ يعني,,,, في الكلام ,,,او لخبطه في الهرج ,,او اي
شئ احس اني انكسف مررررره وبس افكر في الموقف حتى وانا في البيت
بس افكر واقول لنفسي ايش الغباء هذا ياليتني مااتكلمت واجلس اعاتب نفسي......
مع انو الموقف مايستاهل للتفكير كثير ,,في وقته وخلاص كل شئ انتهى....!!
وفي شئ ثاني كمان وهو انو لما اتكلم مع اي شخص مااقدر اطالع فية كثير
احس انو دموعي تبغى تنزل لازم اطالع في مكان ثاني وارجع اطالع علية.........!!!!


والله يابنات هذا المشكلة دائما اعاني منها؟؟؟
احاول دائما اني اتغير واصير واثقة من نفسي واقول خلاص راح اتكلم
بكل ثقة ,,,وفعلا في البداية اكون زي كدا وبعدين لا ولا ولا مافي فايدة!!!!!!!

بنات ابغى اسألكم مين زي كدا او قريبة من مشكلتي؟؟
وكيف اتغلب على هذه المشكله؟؟؟؟