مشكلتي متشعبه فيها من كل عيب بلوى

السلام عليكم

انا اتأمل فيكم الخير دايما ...

و ما خاب من استشار


انا زوجي عنده جوال ثاني بأسمي...

لنا سنه متزوجين و ولدت من فتره قريبه واكتشفت انه يستخدم الرقم لاغراض اخرى :44: ومعاكسات

بس كذبت نفسي و قلت يمكن بالغلط او انا فاهمه غلط



لكن نسى جواله مره وطلع من البيت الا جاه دقه وحده بس

اتصلت الا هي وحده تتكلم ّّّّّّّّّّّ!!!!!!!!!!!!!!!!!!! الطامه الكبرى تسمعه صوت عرس,,,

يعني هذي علاقتهم من متى عشان هالميانه؟؟؟؟؟؟؟؟؟؟؟؟؟

المهم قلت انا الو .... وقفلت المنحطه بوجهي

ارسلت لها ادعي عليها

ولا جا منها اي رد

يوم رجع يدور عن الجوال وقلت مو عندي.... الخ...

و كان بيرجع المكان اللي طلع له قبل بس رحمته وقلت عندي بس ماني معطتك اياه وجلس يحالني و لكن ما عطيته الا بعد ما نفذ اعمال منزليه رجاليه انا ماقدر عليها و هو بس ياجل فيها...

و اخذه و شاف مني نظره بارده وقال انتي اتصلتي على احد عشان تطالعيني كذا؟ قلت لو اتصلت حلالي...

و استغربت انه ما عصب كالعاده ... لانه العاده يعصب لما اتلقف على جواله..
فتأكدت اكثر انه الخطا راكبه راكبه لا بالغلط ولا شي


و سكت اسبوع عن الموضوع


شافني مره لما رجع من برا اني مسكت الجوال الا وشفته متصل على الرقم نفسه و مسجله باسم رجال و سالني ايش فيك؟؟ ما رديت عليه و نزلت الجوال مكانه و خذت ولدي منه و رحت غرفتي ساكته ما قدرت اتنفس حسيت اني بيغمى علي

اليوم الثاني شفت انه حذف الرقم ..... توقعت انه عرف اني دريت بس ساكته غشان اطيحه في الفخ

بعدها بكم يوم كان عنده شفت ليل وجلست عند اهلي لاني اخاف لحالي

بس اليوم الثاني ما رجع اخذني .. اتصلت عليه كثيير و ما رد لما قرب المغرب خليت اخوي يوديني

دخلت واتصلت وانا في بيتي.... برضو ما رد
دخلت الغرفه.. الا الجوال منور... بس هو نايم<----مسوي نفسه

يوم شفت الجوال الا بس فيه (1 اتصال لم يرد عليه) <>--------------- اللي هو مني وانا في الصاله


يعني شاف اتصالاتي الثانيه و ما رد.... اول مره يسويها ما يرد


الا اشوف تحت انه يرد الساعه 1 ونص الظهر على رقم مو مسجل.... +-------------- يا سلااااااام

و انزل اشوف تحت الارقام الثانيه الا هو متصل على واحد الصبح مسجل اسمه .. قمت طالعت وش الرقم الا هو الرقم اللي اول حذفه بس هالمره سجله باسم ثاني....
((((( على فكره كنت متصله الصبح عليه تقريبا نفس الوقت اللي هو داق فيه على هالرقم بس اتصلت على جواله اللي باسمه ومارد )))))

المهممممممممممممممم اخذت الجوال و اقفله من القهر ما عرفت ايش اسوي
الا هو صحى من النوم يكلمني ما رديت طلعت لولدي اتصبر والتهي فيه و خذت الجوال و خبيته

جا للصاله وقمت رجعت الغرفه... من الصدمه ما عرفت ايش اسوي ما ابيه يجي يكلمني بمووووووت
رحت اتروشت بسرعه سحبت المنشفه بس

و هو اسمعه كانه يدور على جواله

طلعت من الحمام - وانتو بكرامه -

يسالني عن الجوال و ما رديت

قام ينافخ ويقول جايه بنكدك؟؟؟ ايش صاير.؟؟

ليه جايه اصلاا؟؟!!!!!!!!!!!!! <------ اول مره يكلمني كذا بس عرفت ليه يكلمني كذا و ما رديت

قلت روح عني مابي اتكلم معك
قام مد يده و يضربني عند كتفي طلعيه الجوال
و انا ما ارد
و زاد علي وانقلبت هوشه معه و قلت له الجوال ماراح تاخذه بخليه معي لما اخلص منه

قال جوالي.... قلت جوالي وباسمي للاسف

قام يرمي من الكلام علي و ويستخف فيني ويعيب
قلت له دام هذا كله فيني بيت اهلي اكرم لي من العيشه مع واحد خاين

قال اصلا هذا اللي بيصير ورقتك توصلك
قلت لا طلقني الحين....
قام يطلب الجوال و مسك شعري و تمادى قمت هددته بالسجن على حركته و تركني وكلمت اهلي ياخذوني
و اخذت الجوال معي

اتصلت عند اهلي عالرقم لقيته وحده منحطططططططططططططططه و ما تخاف الله وانصدمت اكثر كيف يكلم هالاشكال وكيف عرفها

المهم جلست عند اهلي اسبوعين ما جاتني ورقتي و عرفوا اهله عن الموضوع وجاو لمنطقتنا وحاولو بالصلح وهو اعتذر و وعدني ما يعيدها و قال انتي تركتي لي فراغ وقت النفاس و لعب علي الشيطان .....<-----بس انا ما اقتنعت بهالعذر لانه ماهو سبب مقنع و خاصة اني شفت بوادر الخيانه من اول اسبوع نفاس و كذبت نفسي


انا رجعت الحين عشان ولدي وعشان عمي جا عشاني و يطيب خاطري و يعقل زوجي- ولده-


الحين زوجي يبغى الجوال

وانا رفضت اعطيه

قال ترى اقدر اطلع غيره واخليك تاكلينها باقساط الرقم - لانه ذهبي من ارقام الموج الازرق -
5000 الاف ريال
انا وقتها انقطع النفس عندييييييييييييييي و سكتتتتتتتتتتتت بعدها قلت طلع غيره بس هذا مافيه

قام يصرخ ويصيح علي

ايش اسوي معه؟؟؟ تعبت نفسيا... ابغى مشورتكم....

ارجع الجوال؟ و كيف ممكن استرجع زوجي لي بعقله وقلبه من بعد هالتجربه والخيانه و ارجع اللي بينا مثل ما كان <-----في حالة انه بنت الحرام مشغلته

تكفون مره تعبااااااااااااااانه بصمت:icon33:

ادعوووو لي تكفووووون ترى فيه عيوب كثييره هذي اهونها ولكن الطفل ما استحملت اتخيله يعيش بلا اب

الله يهدييه ياااا رب و يصلح باله