مشكلتي مشكله ساعدووني

انا عارفه ما في احد بعد الله بساعدني غيركم يا بنات حواء

لاني فعلا كم مشكله تساعدوني وتنحل لاني اقتنع مره با ارئكم


المشكله الي اعاني منها نفسيه ومعقده شوي بس الله يعافيكم ساعدوووني لاني مليت من هذا الوضع الي اعيشه

غير حياتي مع عيالي وزوجي


ابد......

انا من يوم وانا بنت وانا اعاني من انتقادات كثيره في شكلي

بدت من فتره المتوسط

انا مملوحه وجذابه وكشخه مره وناعمه هذا براي الي يحبوني

بس عندي مشكله في وجهي بعض الناس ينتقدني بشكل جارح

رغم اني زدت اهتمام بشكلي اكثر علشان اخفيها وفعلا

كل زواج اروح انخطب فيها من 3 متوسط وانا اخطب وانخطبت من العائله وخارج العائله


لكن ان من كثر التجريح الي يجي با المدرسه حسسني اني مو حلوه

لدرجه ولد عمي خطبني وكان جميل
بس انا رفضت قلت لا مابي يصير احسن مني ويصير يهزء فيني (كان احساس داخلي)



طبعا انا شرحت التفاصيل عشان تكون باصوره وتعرفون تحلون لي المشكله الي تعذبني الحين


طبعا تزوجت الحمدلله وتوفقت وجبت عيال طبعا مع مرور الايام والسنين زاد اهتمامي اكثر واحلويت اكثر واكثر

مع الملابس والصبغات وغيره وغيره



المهم المشكله الي اعاني منها رغم ان الحين عمري 30 وبنتي طولي

الا اني اعاني من الغيره


مثلا حمولتي خطبوا لولدهم ورحنا لشبكه وانا ع اعصابي خايفه العروس تطلع حلوه

وفعلا طلعت تجنن قمر ماشاء الله


طول الوقت اناظر فيها ادور عيب ما لقيت

تخيلوا من رجعت ما نمت اليل في التفكير فيها ( ايه هي حلوه ماشاء الله ما تحتاج تحط مكياج ووووولا غمازاتها يوه اكيد
ان صور ه جوازاه تطلع حلو فيه ههههههههههههه وحده متعقده من صور الجواز

وهاتك جلد بذات كم شهر لما تزوجوا وشفتها وجلست معها كم مره وعرفت انها عاديه جدا

بس يا حسافه الاشهر الي افكر فيها والي كل شوي اناظر المرايه وقارن نفسي فيها



اكيد بتقولون يمكن لانهم الحموله وما تبين مرت الولد تكون احسن منك


لا حتى حريم اخواني


نفس الشي شكبه اخوي كل خواتي يشوفوا انها عاديه وانا اشوف انها ملكت جمال واجلس افكر


والمأساة رجعت من التفكير ولا بعد الي استغرب من نفسي ما ادري متى اكبر واعقل

الفرق بين مرة اخو وبينى 13 سنه هي توها مخلصه الثانوي وانا بنتي با صف خامس


ليش انا عقلي تافه تكفون ابي حل ابي اعيش ما ابي افكر ليش ذي حلو وذي كذا وكذا


ليش احس اني وصلت عمر مفروض ما افكر با ها الامور

رغم اني ما نقصني شي فيني مزااياه كثيره الحمد لله


انا ذكرت لكم بس موقفين بس عشان تساعدوني


بس مشكلتي محصور ه با الجمال دئما اقول لاني محطمه من صغرتي يمكن لان اشوف صديقتي عاديه جدا جدا وهي تقول لي يوم سالتها قلت طيب ليش ما تفكرين مثلي


قالت انا من صغرتي وانا اهلي يمدحون فيني ولا جاها تحطيم من المدرسه وكبرت وانزرعت الثقه معها

وتستغربون ما احب اهلي يمدحون ويقلون فلانه جميله ولا مملوحه

ساعدوني تكفون انتظر حل با احر من الجمر