مشكلتي مع أهلي,,,ياليت تلاقون لي حل

السلام عليكم ورحمة الله وبركاته
:
أنآ صآحبة الأخت أم رواف،طلبت منها أكتب مشكلتي بنكهآ وماقصرت الله يجزاها ألف خير
:
بدخل فمشكلتي مابطول عليكم
:
انا مشكلتي للأسف فأهلي،صرت وحيده مع أني عندي خوات وأخوان ، والسبب أني مو راضيه أتأقلم مع أطباعهم،
أنآ أصغر خواتي وأخواني،من وأنآ عند أهلي قبل مااتزوج وانا متضجره من أطباعهم،
فيهم قلت نظافه،مهملات بشكل ماتتوقعونه،تخيلوا يابنات اذا طفل من أطفالهم نام على المخده مايقوم الا والمخده فيها قمل<<من كثر القمل ينزل على ملابسهم والله،بيض القمل بشكل مقزز فشعورهم،حرآآم الاطفال مايتجاوز اعمارهم الخمس سنوات ومتحملين هذا كله،
الملابس حدث ولاحرج،والله تجلس عليهم قرابة الثلاثه اسابيع وهم مابدلوا ملابسهم ولا يبولون فيها كمان وهم نايمين،
نجي لخواتي،نظافه فأنفسهم من عند الله،المناكير والله يبنات اذا جات مناسبه ووحده منهم حطت مناكير تجلس لييييين ماتروح من نفسها(تتقشر)ماتشيلها ،وتصلي فيها،وكم مره اتكلم عن هالموضوع ولا حياة لمن تنادي،
وغير أجتماعيات ولا أحد يزورهم ولايزورون أحد،والله لما أشوف بنات عمي وبنات خالاتي وخوالي يتزاورون وسهرات وكذا اتحسر اللي هذولا خواتي،
نجي لتربية اطفالهم،كل وحده معلمه طفلها على الضرب وعدم احترام الغير،ومافي لعب من غير شطانه ،
ــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــ
قدر الله اني تزوجت واحد من عائله راقيه دينه والتربيه عندهم فوق مااتتخيلون،
أتغربت للخارج،جبت بنتين وولد،تربيتهم ولله الحمد تمام،علمتهم على الرقي فالتعامل وعلى الاحترام،وارتحت الحمدلله نفسيا،
لكن المشكله لما رجعت لمدينتي،اطباع خواتي نفسها ماتغيرت،مو قادره اتأقلم معاهم لا أنا ولا اطفالي،والله كأنهم ذيابه يابنات بس يآخذوا من أطفالي أغراضهم ويدفوا ويضربوا،وأطفالي مهم متعودين على كذآ،حقهم صار مهضوووم عند أهلي،نفسياتهم تعبت يحسون نفسهم ماعندهم شخصيه،ولدي يقولي ليش هم اقوياء واحنا لا،
وكل وحده تشجع طفلها،أنا واطفالي تعبنا نفسيا،لدرجة اني احيان احس تربيتي خطأ،
وانا مو راضيه أتأقلم مع خواتي،اهتماماتهم غير عن اهتماماتي ،
وكل مارحت لأهلي يوم أجلس شهر أنظف شعر اطفالي من القمل اللي ينتقل لهم ،
تعبت والله تعبت انظف واتعب ومن اول مااروح وارجع البيت احصل شعورهم مليانه،
ماادري ايش الحل؟؟تعرفون هذولا أهلي،،مالي غنى عنهم،،لكن مو قادره اتأقلم معاهم وأتحمل أطباعهم ،مو قآدره،وانا طفشت من الوحده