مشكلتي مع الاعراس 😭/ غير هادف

السلام عليكم اخواتي



بداية حابه اقول شي قبل ابدئ بسرد موضوعي انا ادري انه يمكن يكون الموضوع جدا سخيف بنظر البعض وغير هادف ومو مستاهل افتح له موضوع او حتى اني احسبه مشكله لكن والله انه مضايقني كثير فوق ماتتصورون...
وبالنهايه كل وحده حره لو ماعجبك موضوعي يسعدني مرورك وشكرا ع وقتك اللي ضيعتيه بقراه موضوعي ومو لازم تسبيني والله


المهم ببدا بموضوعي
انا مشكلتي يا بنات الرقص بالاعراس
انا وحده رقصي مب ذاك الزود بمعنى اصح ماعرف مع ان اخواتي وامي يشجعوني ويقولون رقصك حلو بس ادري انهم يسلكون لي والله اني اشوف نفسي رقصي يفشل قسم بالله

اكيد بتقولون طيب لا تقومين ترقصين وانتهينا ماهي بقضيه
طيب والله مبغى اقوم لكن امي تغصبني امي تغصبنا ع كل شي خصوصا لو اهل العرس قرايبها تغصبني ع كل شي تغصبني ارقص معاهم تغصبني اصفق معاهم تغصبني ع كل شي كل شي
انا كلمت امي وقلت لها اني مب زي خواتي خواتي بسم الله ماشاء الله رقصهم يهبل انا معرف مب لازم اقوم
قالت لي والله ان رقصك حلو بس انتي ماعندك ثقه
وكل مايجي عرس تغصبني ولا خواتي وصديقاتي يسحبوني اقوم وانا مره انحرج


الحين بتقولون وش المطلوب منا؟
ابيكم تعلموني رقص ايوه علموني ياليت اللي يعرفون يرقصون يقولون حركات رقصهم وانا بحاول اطبق...
معليش حتى لو شرحك مب ذاك الزود حاولي تعلميني والله العظيم لادعي لكم ومانسى جميلكم هذا

وخواتي يرفعون الضغط رفضوا يعلموني يرقصون معاي شوي ثم يقولون رقصك حلو ماتحتاجين تعليم انتي نفسيه




اتمنى من المشرفات مايسكرون الموضوع رجاءا يعني
مره محتاجته خصوصا ان عندنا عرس بنت خالي بالصيفيه ان شاء الله مابيها تجي الا وانا متعلمه وجاهزه لاني ادري امي مابتخليني