مشكلتي مع الخدامه الانانيه

مسا الورد
بدخل بالموضوع على طول ....
مشكلتي مع الخدامه انها كانت عندي اخوي زوجي ولما جته وحده ثانيه ولاني خدامتي سافرت اخذتها
وهي صارلها عندي اقل من شهرين
وفي هالشهرين زعلت ولا عشر مرات كل يوم تخترعت زعلة وهي تقول انتم خامس كفيل في سنه وحده وانا ابغى ارجع لاندنوسيا
من كثر ما كذبت مره تقول اني ضربتها وترجع تعتذر ومره تقول اني اصارخ فيها وترجع تعتذر

هي مو ساكنه عندي تجي الصباح وترجع المسا لبيتها لانها ساكنه عند اخو زوجي ما عندي مكان لها
اخر مره خلاص فاض الكيل غابت 3 ايام ومره تقول انها اسنانها توجعها
ومره تقول ان زوجها زعلان وقالها اقعدي لا تروحي
واخر مره جت تصارخ تقول انتي تبغيني ولا لا؟؟؟؟!!!!
وانا عرفت انها لا كانت تعبانه ولا شي اول يوم راحت عند صديقتها وسهرانه للفجر
واليوم الثاني كانت في السوق ورجعت متأخر
المهم انا عصبت عليها وقلتها كل شي انها كذابه ومن هالكلام

واساسا ان متحملتها شغلها نص ونص بس انا موظفه وبناتي في المدارس يعني لازم احد يساعدني

انا الحين ما ني عارفه ايش اسوي كيف ارجعها بدون ما تشوف نفسها مع اني والله يعلم لا عوازيم ولا شغل كثير بس الله لا يسامحها قهرتني
تخيلوا تعرف تطبخ وتسوي معجنات وكل شي ولما جت عندي تقول ما اعرف اسوي شي وانا طنشت
وسويت نفسي ما افهم
وكل شوي تبغى اكل او لما اشتري خضار او اشيا للبيت واطنش
اقولها خذي
اخر مره تبغى اشحن جوالها
طيب وين راتبها يروح تعبت منها!!!!!!
صراحه انا اخر مره قالتي اعطيني زيت انا طنشتها وهي ما قلتها صراحه يعني صارت تلمح وانا افهم تلميحها الئيمه
الله يسعدكم دلوني
ايش اسوي