مشكلتي مع بنتي

السلام عليكم
اخبارككم وش مسوين ابدخل بالموضوع بسرعه
انا ساكنه بالشرقيه وعندي ولد و5 بنات
ثنتين بالثانوي ووحده بالمتوسط ووحده بالابتدائي ووحده م تدرس


انا مشكلتي مع اللي ف المتوسط:(
صراحه مادري وش اقول بس مئذيتني بشكل تعاندني وترد علي وتفشلني باختصار قليلة ادب!!:44:
مئذيتني اكثر شيء بلبسها وصديقاتها
يعني باللبس اذا جينا نطلع للسوق تحن ابي بناطيل جنز وابي قصير ومزلط
واذا قلتلها حرام يا بنيتي م يجوز قالت وش معنى بنت خالي وبنت عمي وبنات عماني وبنات عماتي وبنات خوالي وخالاتي اقولها اذا هم سوو حاجه غلط وحرام سوي مثلهم ترد وتقول ايه كيفي
وودها ع احر من الجمر انها تلبس لو مره وحده وكل ماجبتلها لبس ساتر قالت خليني اكبر ولله لالبس بناطيل واللبس واسوي اللي ابي بس خليني اكبر ولله ان تندمين انك مالبسيتيني الحين
وخواتها الكبار ودههم يلبسون بس اشوا ساكتين ومقتنعين
المهم عندي صديقة عمر يوم قلتلها عن بنتي لان عندها بناتها ماشالله تبارك الله متسترات الله يحفظهن
قالتلي خليها تلبس بالمتوسط بناطيل ع كيفها لاتحرمينها وتقول لان بنات اختها حرمتهم امهم من لبس البناطيل بالمتوسط لبسوهن بالجامعه ويوم تزوجز وصارو يفشلون امههم وقالتلي صديقتي اذا انتي شدديده مره
خليها تلبس بناطيل جنز وعليه بلوزه الين الفخذ فترة المتوسط ع الاقل بس لان بالثانوي بيكون سهل اقناعها


السؤال يابنات اخليها تلبس بناطيل جنز وعليه بلايز طويله ؟؟؟










نجي الحين لسالفة الصديقات باختصار كل ماصارو صديقاتها متجمعين ولا عازمينها تففركك ودها تروح واذا قلتلها مافي مشكله ناديهم لبيتنا قالت انتي تبين تفشليني بس انتي اصلا مب امي ولا اتمنى انك تصيرين امي
صراحه ذا الكلمة جرحتني كثير:( وصديقاتها اللي مصادقهم لايتغطون ولبسهم عاري :09:


اتصلت ع الشيخ وقلتله قال بنتك ودها تلبس كذا مب عشان صديقاتها وبس هذا الجيل تربى ع كذا
وقالي
قال الامام علي بن أبي طالب رضي الله عنه (ﻻتربوا ابنائكم كما رباكم ابائكم فانهم خلقوا لزمان غير زمانكم )
بعدين سالني بنتك معها جهاز قلتله كان معها بس الحين قالي والسبب اعتذرتله وقلتله ولله مقدر اقول
قال خلي بنتك تلبس جنز وسيع عليه بلوزه طويله بس الافضل انها ماتظهر للرجال خ
واشترولها جهاز حالها حال غيرها
واذا ع صديقاتها عاريات مافي مشكله خليها تروح واذا انتي مشدده مره تعرفي ع اهل صديقاتها مب مهم اللبس اهم شيء التربيه اللهبس هم اللي حيحاسبون عليه بس انتي سوي اللي قلتلك عليه ورح تتغير بنتك






السؤال الثاني اخليها تروح عند صحباتها؟:confused: