مشكلتي مع جاراتي (شورو علي لاني قربت اتجنن)

مساء الخير

اول شي هذا معرف اختي<<<للعلم بس:35:

انا مابحكيلكم مشكلتي الا لاني واثقه من ارائكم وانكم بتوجهوني للشي الصحيح ان شالله


بقولكم كل شي بالتفصيل عشان تعرفون المشكله من كل جوانبها

انا متزوجه وعايشه بشقه ولان زوجي دوامه مرهق وطويل واحيانا حتى الخميس يشتغل فماعنده وقت يلبي اغراض البيت ويودي ويجيب فجاب سواق عشان يجيب اغراض البيت وينفعنا
المهم بعد ماسكنت بالشقه بمده بسيطه دقت جارتي تبي تتعرف رحبت فيها وتعرفت عليها وعلى جارات ثانيين

صرنا نزور بعض من فتره لفتره المشكله من جارتين ماادري هي تعتبرونها مشكله والا انا مسويه مشكله من لاشيئ
الجارة الاولى مشكلتها الطلبات كل شوي داقه بصل جزر طماطم بطاطس بيض بخور مكنسه كهربائيه بكنج باودر رز كل شي تتوقعونه طلبوه مع انهم ماشالله اغنيااااااااء ويقدرون يشترون وتدق في الظهر واحيانا بالليل ويفز زوجي من النوم على تعليق الجرس اخر شي تقول عندكم عسل؟؟؟؟؟:44: يعني قلق ادري الناس للناس بس هذي مصاخه
الجاره الثانيه ابلشتني بالمشاوير مايمديني اقول بروح المكان الفلاني الا نطت بحلقي خذيني معك احيانا اخذها معي لكن لو انا ماودي اخذها تحرجني كل يوم تتصل ها بتروحين اليوم لو رحتي كلميني ولو درت اني رحت تلومني ليش ماكلمتيني وبعض المشاوير مااحب اخذ احد معي الا اختي او اخت زوجي عشان اخذ راحتي واذا دقت علي وانا برا لااااااازم توصيني بشي مره جيبيلي عيش ومره خضرة يعني اغراض سوبر ماركت ولو كانو اهلها عندها تتصل نبي عشا ارسلي سواقك :icon33: المشكله السياره قدام خلقتها مااقدر اكذب واقول مو موجود
مع انه الثنتين عندهم عيال شباب بالبيت

وزوجي يخاصم يقول السواق جبته لنا مو للناس ومشاويرنا كفايه لانه يوديني الجامعه الصبح ويودي اخت زوجي الكليه واخته الثانيه المدرسه واحيانا امه تحتاج مشاوير واحيانا ابوه يراجع بمستشفى او دوائر حكوميه ويوديه يعني زوجي جايبه يخدمني ويخدم اهله واهله محتاجين له فعلا لان عمي كبير بالعمر ولايقدر يودي ويجيب والناس ماتقدر خلاص هذول عندهم سواق يعني ماوراهم الا يتمشون ويتونسون و يحسبون السواق حاط يده على خده وماعنده شغل مع انه يكرف مره وانا احزن عليه واقول حرام اكلفه فوق طاقته وهو يخدم بيتين ومو مقصر الرحمه زينه
وهذول مافي ذوق والله ان ام زوجي وهو سواق ولدها لا بغت مشوار والا غرض تتصل تستاذن وانا ازعل منها واقولها اتصلي عالسواق على طول يجيبلك الي تبين حتى لو عندي مشوار يتاجل من حقك تطلبينه في اي وقت ولسه للحين اذا احتاجت شي تكلمني :39:

غير كذا هالجارتين نفس الشي عيونهم فارغه قد ماعندهم مايشوفون الي عندهم انا الحمد لله ادرس بالجامعه وهي دايما على لسانها بنتي جاتها عين وكرهت الدراسه ويتكلمون دايما كانه ماعندهم شي وهم ماشالله اغنياء كل شي يفجعهم سعره ويسالون عن شغل زوجي وكم ياخذ ويشتغل شغل ثاني والا لا والثانيه نظراتها تخوف وكلامها دفش وهي من راسها لرجولها من اغلى الماركات :mad:

قولولي وش اسوي انا كل مره اقول بطنش بس يجي وقتها واستحي اخجل ماافتح الباب لو جات تطلب شي والثانيه اخجل اطنشها يعني من كثر مايلحون انحرج خصوصا لانهم كبار واحس نفسي غلطانه ويمكن لو كنت مااستحي كان ماصار كذا من الاول:44: ندمت قد شعر راسي اني تعرفت عليهم انا مااحب كذا ولا تعودت على كذا تعودت لي خصوصيتي ببيتي ومااحب كل شوي الباب يندق وكل شوي طلبات كنت ساكنه مع اهل زوجي وربي عمرهم مااخذو مني بصله ولاانا عمري ماطلبت منهم مع انه لو جات ام زوجي وطلبت والله مابتضايق لاننا نمون على بعض بس عزة النفس والذوق له ناسه:27:

بنات انا غلطانه والا لا ولي حق اتضايق والا لا؟؟؟؟
ماراح ازعل صارحوني يمكن العيب مني:44: