مشكلتي مع زوجي؟؟؟؟؟؟؟؟؟؟؟

السلام عليكم ورحمة الله وبركاته
تزوجت منذ سنتين رجل الكل يشهد له بالاخلاق ووضيفة ممتازة بدأت المشكلة من اول اسبوع زواجنا يقول لي انتي لاتشبعي رغباتي وزي ماتعرفون البنت اول بداية زواجها تستحي وحاولت ارضيه بكل الطرق طبعا سافرنا الى بيتنا ومرت الايام وهو على هذا الموال وحملت وتعرفون الوحم وكابرت على نفسي وتحملت كل شي عشان اسعدة طبعا ولدت وجبت بنت وخلاني عند اهلي ثلاث شهور كأن ماصدق اني اروح اولد ويفتك مني حتى مصروف ما عطاني .جاء اخذني من عند اهلي وجلسنا عند اهله اول كم يوم معاملته من جد روعه وقلت الحمدلله تغير وفرحت ويا فرحة ماتمت رجع زي اول واخس صار يقول انت مملة انت موحلوه انت ريحتك معفنه كلامك ممل ما عندك شي جديد تقولينه وان والله ثم والله مامدح نفسي اني صغيرة وجميلة ودائما مهتمة بمظهري وعطوراتي من الغالية . صار يختلق اي سبب عشان يسبب مشكلة ويسبني ويسب اهلي وكلام مره وسخ يقوله لي وانا ما ارد علية بس اقله الله يسامحك وتخيلو يزعل يقول ليش تقولي الله يسامحني عليش يسامحني ؟ احيانا اقوله جزاك الله خير هم يزعل ؟ احترت معه كيف ارد علية صرت اخرج من الغرفة هم يزعل يقول منتي متربيه ليش تخرجين من الغرفة ؟ لمن اقله ليش تسبني وكلامك يجرحني يقول هذا مقامك ومستوك .المهم صارت حياتي معه جحيم يومين عسل واسبوع قهر يخلق اي سبب تافه لخلق مشكلة يرغمني على اني اشوف افلام اباحية يقول تعلمي منهم وانا ارفض بشدة لاني تربيت على الاخلاق الفضيلة وعلى حفظ القران يضربني ويقول اصلا انت زباله . شكيت لاخواتي وقالو اصبري لكن لمتى اصبر .... امس سافر الخارج يقول بيروح يفك عن نفسه ويغير جو لانه متملل مني وان جسمي الداخلي وع على قوله . قلت الله اعطاك الحلال وانت رايح تدور على الحرام قال : انت السبب ماعطيتيني الي ابغى . خوفت من الله وانه كما تديت تدان وقلت انت عندك ام واخوات وزوجة وبنت خاف الله فينا قال مالك صلاح الحلال والحرام عليه انت السبب.. وانا والله ياخواتي ماقصرت معه بشي كل طلباته ملباه وحتى في الفراش ابذل كل جهي في اسعادة لكن تعبت من هذه الحياه وانا يتيمه الاب وما عندي اخوان ماغير اختين الله يحفظهم لي هم الي مصبريني واخذ منهم نصايح هل اجد عندكن اخواتي حل لهذه المشكلة وانصائح مفيده ؟ حسبي الله ونعم الوكيل فيه