مشكلتي مع زوجي

السلام عليكم ورحمة الله وبركاته


متابعتكم لي فتره وذي اول مشاركه لي
ابغى رايكم ف الموضوع ذا
انا متزوجه لي ٣ سنوات وزوجي شخصيته جنوبي غربي وانا شماليه شرقيه وعندي بنت عمرها سنه هو ولد عمي ويحبني من قبل مانتزوج

صارت مشكله بيني وبين زوجي طبعاً ف البدايه كان له يومين متغير علي وحاولت افهم منه ماقدرت وبعدين طنشت ومن اليوم اللي بعده جاني وصار يسبني بالكلام كذا وانا ما غلطت عليه ف شيء ومد يده علي سحبني من يدي ولواها ودفني ع السرير وانا عصبت منه كيف يمد يده كذا ودفيته وصرت اضربه و صار يصارخ علي ويقول روحي لاهلك ماعاد ابغاك وانا راح اتزوج غيرك اهلي بيزوجوني وفهمت انو اهله لهم دخل ف اللي صار بيننا واهله مستحيل يزوجونه لانهم م عمرهم وقفوا معاه ف شيء بالعكس كانوا يخلونه يتدين عشان يعطيهم وهو عليه قروض كثيره وراتبه م يكفينا لاخر الشهر
وقتها انا كنت معصبه وقلت له طلقني وانا بعد راح اتزوج غيرك واعيش حياتي مثل ماابغى
وبعدين جهزت شنطتي وقلت له يوديني لاهلي ووداني واخذ بنتي مني وقال ماعاد راح تشوفينها تركها عند اهله وانا واهله بيننا مشاكل
من اول ماتزوجنا وهم يتدخلون ف كل شيء وكل مااروح لهم يستفزوني بالكلام طفشت من المشاكل وصرت ماعاد اروح لهم

بعدها بكم يوم ارسلت له بس ماكان يعطيني فرصه نهائي كلمته حاولت اهدي الوضع عشان يرجع بنتي بس ماجبت طاريها ابد عشان مايعرف انها نقطة ضعفي ولا هو مستحيل اسامحه ب السهوله ذي

الحين لي شهرين عند اهلي ومصروف مايعطيني ومو راضي يطلقني ولا يخليني اشوف بنتي
مايبغى يطلقني خايف لااتزوج بعده قالها قبل كذا لي
انا مليت من هالوضع ابغاه يطلقني ولا يحل الموضوع ذا
ابغى رايكم كيف اتصرف معاه واللي تفهم ف شخصية الجنوبي ياليت تفيدني كيف اتصرف معاه بدون م اهين كرامتي طنشته لي اكثر من شهر ماعاد كلمته وهو نفس الشيء
اششتقت لبنتي لي شهرين ماشفتها ماعاد فيني صبر ونفسيتي زفت
حسبي الله ونعم الوكيل .