مشكلتي مع زوجي

مرحباً بنات .. 

حابة اشكي همي وما عندي غيركم اشكيله وافضفض له لأَنِّي
اذا اشكي ل اهلي راح تكبر المشاكل اكثر وحاولت كذا حل ومافي فايدة .
انا ساكنه في بلد أوروبي وانا وزوجي نستلم راتب شهري مرتب نعيش فيه عيشة حلوة.
اخر فتره زوجي صار يصرف فلوسه على لعبه عياره عن المباريات يحزر أي فريق راح يفوز ويشارط
عليها فلوس كثيرة اذا كان حزره صحيح يفوز فلوس وأيده وإذا كان حزره غلط يخسر فلوسه. يعني لعبه حض يا نصيب. بالبداية كان يلعب مبالغ بسيطه بس اخر فتره صار يلعب فلوس كثيرة 
ويقصر بحقي وحق نفسه وبيته وولدنا وصار يلعب براتبه كله 
ونعيش براتبي الي ما يكفي كل مصاريفنا. أنا تعبت وكلمته وهاوشته وهددته اخذ ولدي وأروح 
لاهلي وجربت كل الحلول وصبرت عليه وتحملت وحطيت من جيبي
وصرت مفلسة ما عندي ولا شي بسيط وهو شهر بعد شهر يزودها اكثر وأكثر وكل شهر يوعدني
يتوب ويبطل بس ما يوفي بوعده يقول فيني سوسه فيني مرض ما اقدر ما العب وعبالي بفوز فلوس وأيده. بس هالاعبه بتدمر حياتنا صرنا عايشين بنقض بعد ما كنت مرزوقه وفارسي الحمدلله فيها بركة غير كذا انه أسلوبه مو زين وما يصلي يقول ما يعرف ما تعلم الصلاة، وحياتنا كلها مشاكل وأبدا ما يطلعني نستانس احنا وولدنا او نتمشى او نأكل برا. ما اروح مكان غير بيت اهلي 
وبيت اهله. صار عنده شوي ديون ونقص فلوس وهو راتبه نعمه من الله بس هو مو مقدرها. فكرت بالطلاق بس ترددت لأَنِّي مو ضامنه انو حياتي بعد الطلاق احسن ومو حابه أرد لبيت اهلي 
لاني عندي طفل وأبوي العيشه معاه جدا صعبه وانا صايره بين نارين تعبت نفسيا وانا بس اتستر على عيوبه وأخطأه وهو ما راضي يتسنع أرجوكم شوزر عليه شنو الحل شنو أسوي. اخر مره لعب هاللعبه وعدني انو يتركها وما عاد يجس صوبها بعد الضروف الي شفناها وانا قلت له انها اخر فرصه له.. 
وعفوا على الاطاله