مشكلتي مع زوجي

عندي مشكله مو عارفه اتكلم او افضفض لمين المهم انا متزوجه صارلي 15 سنة وعندي منه اربعة اطفال مومقصر في شي بس صار له سنه يشك فيني ويقذف والفاظ مره موكويسه وفوق كذا يروح يمسك اولادي ويقول لهم هذا الكلام مع انه ماشاف شي غلط عليي بطبيعه عمله انه يغيب عن البيت بالسهر وانا الي اكون ام واب في البدايه تحملت كلام الغلط عشان اولادي بس بعدين كلمت اهلي وطلعت من البيت جلست شهر في بيت اهلي وحاولت اتفاهم معاه وهو كلم احد اخواني ورحعت البيت بس لما يكون في البيت يثير كويس معاي بس يرجع العمل كل يوم مشاكل واتهامات والغاظ ويتصل الى اولادي يقول لهم امك تسوي اشياء غلط فتشوا جوالاتها وحتى لما تدخل غرفتها تكلم رجال ومن هذا الكلام رجعت كلمت اهلي بدون ما اطلع من البيت وتكلم معاه اخوي وصار شهرين كويس ورجع على نفس الكلام ماقدرت اتحمل وطلعت من بيته ورجعت الى اهلي صار الحين شهرين في بيت اهلي ومع داك ما ارتحت منه كل يوم يتصل يهددني انه بيقتلني انه بينتقم مني وحتى ولدي الكبير ماسلم منه راح للمدرسة يتكلم عليه يقول انه مايرد عليه لما يتصل والسواق الي يوديه المدرسة لغاه وهددنه انه مايوديه تعبت وكل يوم يتصل يرمي كلام وسخ ويقول انتي اذا عندش كرامه روحي اطلبي الطلاق وصلت حدي من كلامه المستفز ورفعت قضيه طلاق للضرر واستنى الموعد مادري الي سويته صح والا غلط بعد ماوصله اني شكيته راح الى واحد من اعمامي يقول ابغى اتفاهم معاها قاله عمي طيب نجلس مع اهلها ونتفاهم بس زوجي مايبغى يتفاهم مع اهلي يبغى بس هو وعمي وانا واهلي رافضين يقولون لازم ابوها واخوانها يجلسوا معاك عشان نتفاهم مع رجال او يضل الموضوع للمحكمة مادري انا الي سويته صح والا غلط
اهلي يقولون خلي الموضوع للمحكمه عشان يتادب
اسفه طولت عليكم