مشكلتي مع زوجي الله يفرج همي

السلام عليكم اخباركم ياخواتي
انا او ل مرة اكتب عن مشكلتي مع زوجي
انا لي متزوجه 12سنه وعندي عيال الحمدلله تزوجته وهو يصلي ومحافظ
انا فرحت يوم خطبني لاني حلمي ان اتزوج واحد يعيني على الطاعه قعدنا سنه وخلال هذه السنه كل مالي اشوفه مقصر احيانا يجمع الصلوات واحيانا يأخرها
وبعد كم سنه ترك الصلاه نهائي صرت ابكي ليل ونهار انصحه واقول حياتنا لاتخربها وعيالنا خلهم يشوفنك قدوه
تعبت معه صار عصبي ويصارخ ويخاصم على اتفه سبب ويقعد بالايام ماينام الحقيقه انه كريم ومايقصر في طلباتي يعني اللي اطلبه مجاب لكن فيه العصبيه وترك الصلاه ويصارخ احيانا ويسب ويلعن
وبعد مده رجع التزم وحافظ على الصلاه وبعد كم شهر يرجع يتركها السنه اللي فاتت كان محافظ على الصلاه وكان يحضر محاضرات وتعرف على صحبه صالحه خفت عصبيته وكانت اجمل سنه عشناها والحين رجع للاهمال وصار لها اكثر من شهر ماصلى والله مدري وش اسوي وكيف اتصرف
انا يتيمه لاام ولااب ولاعندي اخوان والله الدنيا ضايقه فيني افكر اوقات اني اهرب من البيت افكر اروح الحرم اقعد هناك لاني مالي احد وماابغاها يعرف مكاني
تعبت والله اني كل يوم ابكي واتمنى لو ابوي حي كنت اروح اعيش عنده وارتاح لكن الشكوى لله
ارجوكم ادعو لي وله عسى ان منكم من تستجاب دعوته