مشكلتي مع زوجي اللي ماتنتهي

بنات سبق ونزلت لكم موضوعي قبل 3 اسابيع اللي هو هذا



http://forum.hawaaworld.com/showthread.php?p=57637404#post57637404


واتمنى اللي ماقرته تقراه


اللي صاير ان الحين زوجي عنده كورس اسبوعين بدبي بعد شهر والله العالم صادق او كاذب


بس قبل مايروح سفرته الاولي لدبي وعدني قال ان شاءالله سفرتي الثاني راح اشيلكم معي


امس قال لي بحجز لك انتي والعيال تروحي لاهلك قبل ماسافر الدوره لاني بجلس اسبوعين وصعبه تقعدي لحالك


طبعا عصبت وصارت مشاكل قلت له عجبك الوضع رحت تبي تروح لحالك عشان تروح ديسكو مثل اول وتلعب بذيلك على كيفك وتسوي اللي براسك انت ماتخاف ربك انت لو انسان عاقل وفيك ذره خير وتبي تحصن نفسك من الحرام مافكرت تروح لحالك كان اخذتنا معك بس دامك تصرفني وماتبينا نروح معك هذا دليل انك تبي تلعب وانا مو مستعده اعيش مع واحد مثلك يجيب لي امراض الايدز من بنات الحرام وكل واحد بطريقه انا بحجز بروح لاهلي لحالي وانت اهتم بعيالك وانا بعيش حياتي بالطريقه اللي احبها وتعجبني قام سكت وخايف قال ماحد بيتحمل عيالك الا انتي امهم واللي اعرفه انتي متمسكه بعيالك وش غير رايك قلت اللي غير راي اشياء كثيره لامتي كل ماتسافر ترميني لاهلي انا والعيال وتروح تتمشى وانا اتحمل تعب العيال وكل شئ ولاانت داري بشئ ولاتتحمل جزء من اللي اتعبه واتحمله وفوق ذلك كني شغاله عندي بس ابيك تحملي وتولدي هذا غير شغل البيت وطبخ واكل والبيت كنه فندق طول وقته مع اصحابه رفقاء السوء والمصيبه عزاب ياريتهم متزوجين


يابنات من اقوله احجز لي ابي اروح لاهلي والعيال بخليهم عندك يخاف مره حتى يرفض يحجز لي


بس مدري خايفه الحين اخاف يحجز لي واقوله العيال خليهم عندك يقوم يسويها ويوديهم لسلايفي ويحرق دمي

انا يابنات اموت في عيالي واحبهم ومتسحيل اعيش بدونهم ولادقيقه وحده بس انا قلت له كذا عشان يتادب مو يرمي مسؤليه العيال علي فهمتوا وش قصدي

ترى وربي مو صعبه علي احمل بولدي تسعه شهور واتعب عليه وبالنهايه تاخذهم الوحده بكل سهوله وبدون تعب والله العالم من بيهتم فيهم ويرعاهم مثلي


الحين ابيكم تقولون لي اللي سويته معه غلط او صح وش تنصحوني


تتوقعون سالفه تهديدي له بالعيال انهم يكونوا عنده راح يتادب وراح تجيب نتيجه لان من اقوله نزلني لاهلي والعيال عندك يخاف ويغير الموضوع

تكفون ساعدوني الله يسعدكم


ابي حل وسط اهلي للاسف مايتحملون العيال عشان كذا مابي انزل عندهم انا وعيالي وقلت له ياتاخذنا معك او اجلس بروحي انا والعيال اهلي مستحيل اروح انا وعيالي عندهم الا اذا انت مصر بروح لحالي