مشكلتي مع زوجي مالها حل ساعدوووني

السلام عليكم


انا مزوجه من 9 سنوات وزوجي متزوج قبلي المهم تزوجني وانا عمري 15 وانا الان 24 سنه المشكله اني كنت صغيره وبلا شخصيه وكنت اخاف منه مرررره لانه عصبي بس احيانا احسه طيب طبعا كنت اخاااااااااااااف منه مررررره لانه يضرب لا تقولون يضربك مايحبك لانه هو طبعك كذا حتى مع عياله اللي يحبهم اكثر مني من زوجته الاوله يضربهم اذا زعل منهم المهم اناااا مره طيبه لابعد حد لدرجة اني اراضيه على زوجته اذا زعلته ومره طلقها وقعدت اصيح عنده اقوله حراام عيالك يبون امهم ورجعها بعد الزن عليه مع عياله وعياله طبعا يموتون فيني لابعد حد دون علم امهم المهم في الموضوع ان زوجته قويه ومتسلطه وماتستسلم له ومع ذلك مايحب يزعلها واذا زعل منها تطنشه يوم يومين اسبوع لين يكلمها ويراضيها وانا اذا زعلني مو انا ازعله لاني انا ماازعله اذا زعلني اراضيه ويحبني مووووووووووت وهذا الشي متأكده منه يحبني لدرجة انها جلست عند اهلها شهور طويله وهي تلح عليه يطلقني ومو راضي يقول مهما سويتي مااطلقها ودايما يقول ضحيت بزوجتي وعيالي عشانك وقبل سنتين زعلت انا منه وطلبت الطلاق ورحت لاهلي وقال لها انه طلقني وبعد كم شهر ماقدرت اتحمل غيابه ورجعت له وقال لي خلينا نرجع بالسر دون علمها عشان ماتنكد علينا (طبعا خايف من ردة فعلها) المهم وافقت انا وصار يجلس معي طول النهار لين اخر الليل بس في النوم يروح عندها وكانت راضيه وساكت ومبسوطه حتى انها احيانا تقول له نام عندك ايوم انا تعبانه واحيانا تلمح له انها بتنام لاتنكد علي اذا جيت مع انها يوم كنت عنده كانت اذا تاخر اعه عندي قلبت الدنيا فوق تحت المهم مرررره 9 شهووور واحنا مبسوطين :)
وبعد سنه صارت مشكله وعرفت اني موجودهوراحت لاهلها وزعلت ورجعها وشرطت عليه انها ترجع بس لعيالها وانه مايجيها ولاينام عندها وانها ماتبيه واستمرت على هالحال لمدة سنه مشاكل كل يوم معاه وبلاوي لدرجة اني صرت احس انه مايحبها المهم سنه وهو عندي ينام معي يطلع معي نسافر سوا .....
وبعد سنه توفى ابوها وجاها ضغط ورضت عليه وصارت تعطيه ريق حلو وتقوله انه ابوها واخولها وولدها وكل شي بالنسبه لها الرجال تغير علي صار ينام عندها كثير صار يبعد عني وكل مااقوله شي يقول مسكينه الله يلوم اللي يلوها اذا انتي تتضايقين وانتي الثانيه اجل هي كيف ........
المهم انا تعبت انا ماعرف اتدلع ومستحيل اغير طبعي الحين بعد تسع سنوات اني مثلا اسوي مثلها انا اذا غاب عني يوم اجن اقعد اصيح يضيق صدري انا مو بس احبه انا تعودت عليه هو مايحسب لمشاعري حساب يوميا ابكي اذا دقت عليه وهو معي يقولها هلا بقلبي هلا بروحي هلا بعمري ومن هالاكلام وهي تقوله وحشتك يقول اكيد طبعا المشكله اني اذا كلمته وهو معها حتى هلا مايقولها لي ومره قفل السماعه بوجهي وقال انقطع الخط ونا دايما اقوله انا اموت فيك يقول هي اكثر هي ام عيالي هي اكثر ومره قلت له لو تحبك اكثر مني ماكان سوت كذا وكذا قال لي بلاك والله ماتعرفين وش بيني وبينها وبصرااحه انا الحين توني رزقت بمولود بعد هذي السنين فصار ينام عندها تقريبا بشكل يومي وحجته اني لازم اجلس مع ولدي وااربيه زين شسوي خليته كل يوم يجلس معي طول اليوم لين يجي وقت نومه ويروح عندها ينام وانا ماانكر اني احس انه يحبني والدليل انه اغلب الوقت معي بصراحه انا تعبت من البكاء
قلت اعرض مشكلتي على خواتي و***** الله القى حل ساااااااااااااعدووني ادري طولت بس ابي مساعده منكم
:(:(

وللعلم انا شفتها وربي انا احلى منها بكثير ادري الجمال مو كل شي بس فيه فرق بين طبعي وشكلي طيبي
طبعا مو امدح نفسي بس كثير يعرفوني ويعرفوها كانو يقولون لي انتي اجمل منها وكنت اقول بنفسي يجاملوني او مايبون يضيقون صدري بس بعد ماشفتها تاكددت