مشكلتي مع زوجي وابي حل

اجلسي معاه وكلميه بهدوء وقولي له ايش شعورك تجاه اهله وانك تعودتي ترتاحي في لبسك وسوالفك معاه وراح تتغير لما نسكن عند اهلك وحسسيه انك تحبينه ومارح تستغني عنه وتبغي تعيشي بسعاده وياه
بس لما يتكلم عن اخوانك قولي انا مااحب اجيب سيرة اهلك الا بكل خير وانت لو تحبني لاتجرحني مهما كان اهم اخواني من لحمي ودمي

والله يكتب لك اللي فيه خير

عزيزتي:
من ناحية سالفة السكن عند أهله هذي شيليها من راسك وراس زوجك...

اما انه يبغى يسكنكم في ملحق ببيتهم فإن كان قصده يكون مؤقت فلاباس مع اني اتوقع انه بيبرد بعدها..حاولي تمسكين معاه ورقة وقلم وتحسبين معه زين وقولي له ان بناء الملحق بيكلفك كذا وكذا بينما لو نبني على راحتنا بنوفر هالمبلغ ونستفيد منه في البيت الدائم بإذن الله....واللي صبرنا هالسنوات يصبرنا لو تبغى زيادة ثلاث سنوات وابني على راحتك....


سالفة كرهه لأخواتك واخوانك مستحيل تكون نابعة من فراغ...
شوفي نفسك لما تتكلمي عنهم يمكن بدون ما تحسين توحين له انهم يسوون شي غلط او يشعر انهم يخربونك عليه او على اهله....او يشوفك تقارنين بين وضعك ووضعهم!!

لازم تعرفين السبب وتغيرينه بطريقتك الخاصة بدون ما يشعر انك قاصدة...

ومن الطرق اللي تحبب الزوج في أخوان واخوات زوجته انك تقولين له مثلا: ما ادري وش انت مسوي لاختي !!بس تتشكر فيك وتوصيني عليك!!!
أخوي دايما يسالني عنك ويمدح في شخصيتك,,,,ومن هالأمور ....

الله ييسر امرك ويوفقك لما فيه الخير........

اشكركن على مشاركتي في المشكله
بس اوضح امور عشان اتكونن في الصوره
انا كنت متعاقده مدت سنه وكان متحمس للوضيفه ويساعدني بس بعد ما دومت شهرين بدا يطلب مني اني اتركها رغم اني ما قصرت معاه في البيت ولاحسسته بشي رغم انه كان ضغط علي اقوم الفجر ولا انام الظهر وانام الساعه 1 من الليل يعني انام 5 ساعات بس مده شهرين تخيلو وصابره عشان الوظيفه وقلتله شنو سبب تغيرك المفاجىء قال اعطف على الصفار من قومتهم في الصباح وانزلهم عند امي كل يوم
وعشان كذا قلتله خلاص نسكن عندهم او نبني غرفه وحمام جنبهم ولا ملحق ورغم كذا رفض الموضوع واتعلل انه ما تيقدر ياخذ راحته بس انا قلت راح اترك الوظيفه بس لا يجي يوم وتطلبني اسكن معهم ولا تبني ملحق بعد نهايت المشكله بيوم سار على زوجي واولادي حادث وهو جاي ياخذني اتظررت بنتي شوي وقدرت اخذ اجازه اضطراريه مده اسبوعين بس هو ما رضي وحلف اني اترك الوضيفه
والحين بعد ما تركتها مده شهرين جاي يطلب السكن عند اهله ولا ملحق والله قهر والله قهر اصبحت المسأله عندي اعناد له عشاني ترجيته وما رضي والحين الدور على
اما من ناحيت اخواني فهم يشربون دخان قليل وانا اشوف ان اغلب الشباب يسو كذا ولو انه كان يشرب دخان قبل ما يتقدملي ما كان ارفضه لا الدخان يمكن اقدر اني اساعده على تركه ورغم اخواني ما يشربونه قدم الناس بل في الخفاء مو قدامه بس هو سمع من معارفه وكان متردد انه يخطبني في بديه الامر بس اخيرا عزم امره وخطبني واتزوجنا ولا كان يعيرني فيهم ولا شي بس هذي الايام بد بكثره كل ما اتناقش معه يتهرب ويقوم يعيرني فيهم رغم اني نبهته اكثر من مره انه ما يذكرهم لا بخير ولا بشر وكمان اخواني من النوع الى ما يحبون الاختلاط بالناس رغم انهم محافظين على الصلاوات الخمس وكل الواجبات بس ما ادري وخصوصا واحد من اخواني عزوبي وحافظ القران بس انطوائي شوي يحب الكتب والكليه والنادي بس ما يحب الاجتماعات الي ذكرتها يمكن لاني احبهم فيغار
لا ما اعتقد انه يكون السبب يمكن عشان كنت احولهم بعض من المال عشان اساعدهم بس انا ما قصرت معه حتى اني بعت ذهبي كله بعته عشان اساعده في انه يوقف من جديد بعد خسارته في الاسهم
والله انه يخليني اكره في كل مره يكره فيها اخواني
اما من ناحيت اخواتي فالاوالله انهم يوصوني عليه ويقولون ما راح القا زيه بل بالعكس هم يحبونه ويتمنون له التوفيق ولا عمرهم وقفو معاي ضده بل العكس ديم بصفه وياما قلتله من انهم يمدحونه ويعزونه بس ما فيه فايده ( لا اتكلم الي ما يسمع ولا اتأكل الي ما يشبع
وانا كل ما فتح معه الموضوع يقول ما بيني وبين اخوانك واخواتك شي عشان اكرهم بس القاه يفعل العكس وكل ما الح عليه في السؤال عن كرهه له يقول كيفي احب من ابي واكره من ابي الكره مو غصب والحب مو غصب
والله اني حزينه بالحيل من كلامه رغم اني ما اقول لاحد شي من اهلي واحول اني اخلي اخواني يتجنبونه لانه من النوع 000000000000 المشتشدد شوي في العادات مو من النوع الي يواكب العصر مره يعني نص ونص
كل الي نصحتوني فيه جربته بس ما كو فايده والله ما ادري شنو اسوي
خليها في القلب تجرح ولا تخرج وتفضح
لما اسمعه يعيرني فيهم سرت انطم واسكت واضل حزينه وابكي منه وهو يدري انه غلاطان بس ما يعترف
عطوني حل يا اخواتي

ليش ماتشترون بيت جاهز بالاقساط

ويكون متوسط الحجم حتى لو كان بيت مستعمل خفيف مو مشكله اهم شي يكون جديد ونظيف

كلن يمد رجله على قد لحافه

وانتي صادقه بس مو بس هذي المشكله المشكله الاساسيه هي طريقته في التكلم عن اخوتي هي الي مسببتلي التعب النفسي مو البيت وانتي عافه ان الوحده اتحب اهلها ولا ترضا ان احد يتكلم عليهم كلمه ولو كانو صحيح غلاطانين
فما بالك بالي ما سووشي
اما البيت الله يعيني واحاول اقنعه رغم هذا من المستحيلات لانزوجي من النوع العنيد وشورته دايم غلاط
المصيبه انه عارف انه ماراح يرتاح في مشورته الي هي بنايه ملحق بس مع كذا يبي يسويه والله يعين
وشكرا علا مروركن اخواتي :icon33: