مشكلتي مع زوجي واهله

السلام عليكم

حابه اقولكم عن مشكلتي ابي نصائح لأخت لكم في الاسلام

بنات انا عروسس وحامل وما تهنيت في حملي ابدا

من يوم اهل زوجي عرفو بحملي مسكو راسهم كأنهم ما يبغوني احمل ما اادري ما اعرف وش قصدهم بالتصرف ذا

والمشكله الثانيه زوجي ربي يهديه ويصلحه ي رب

كل شيء يعلم امه كل شيء من يوم زواجنا حتى وش صار فوق السرير

المهم انا سكت قلت توي عروس وما ابي مشاكل من الحين

لكن شفت الوضع مررررره اخذ بالتطور يعني كل اللي يدور بيني وبين زوجي هي تعرف

ودي لو مره احسس بالخصوصيه انا ساكنه معهم في نفس العماره وعندي شقه

وترسل بنتها اللي هي اخت زوجي صف رابع تجلس معاي ما اقدر اكشخ لزوجي ولا شيء

واصلا انا اعرف زوجي واعرف شخصيته بسسرعه ينضحك عليه بكم كلمه

وطيب وحنون واهله يعرفو ذا الشيء عن ولدهمم عششان كذا كسبوه في جهتهم وانا ما ابيه يكره اهله بالعكسسس بسسس يهتم فيني

وهو ما يبيني اتعب ولا يبيني اتضايق بس المشكله امه تجلس تعطيه نصائح. الا تهدم بيوت

وقبل شوي قالت له اهلي بيجو عندي قال الاسبوع اللي فات كنتي عندهم وش يجو يسوو

قلت يجوون عشان بنتهم حامل وتعبانه قالت اذا بيجووون روحي معاهم اجلسي اسبوع هناك

انصدمت لمن قال ذا الكلام

وخرجت من الغرفه وقفلت الباب وسمعته يتمسخر عليا

تعبت وربي تعبت وهذذا واحنا عمرنا 22 وكذا اجل لمن يصير 30 وش بيصير

انا جاء في بالي اقوله اذا رحت مع اهلي مو راجعه لك

بس اخاف القى ردت فعل تهدم بيتي

بالله كيف اتصرف اقسم لكم بالله مو مرتاحه احس فيني غصه وانا بعيده عن اهلي

وما احسس احد مهتم فيني من يوم تزوجت وانا كل ما خرج اجلس ابكي يجيني انهيار مو طبيعي

وانا مره حساسه من اي كلمه بسبب البعد عن الاهل

الله يفرج عني وعنكمم ساعدوني كيف اتصرف وكيف اكسبه في جهتي