بنت القصيم3 @bnt_alksym3

محررة

مشكلتي مع شغالتي ..أدخلي وقولي رايك..

السلام عليكم ورحمة الله وبركاته...
كيف حالكم يابنات.. والله أني مشتاقه لكم كثير.. لكن ظروف حملي تخليني ماأدخل كثير
ولا أقدر أطول وأرد....
لكن هذي المره والله أني محتاجه رايكم ومحتاجه لكم كثير.. ياليت ماتردوني.. قولوا تم..

أنا حامل في الشهر الخامس عقبال جميع اللي ماحملوا.. آمييين.. المهم حملي حوسه وآخذ
مثبتتات.. وفي ولدي اللي قبل جاني طلق في نفس هذا الشهر وأخذت مهدئات للرحم مع النوم
على السرير إلى الشهر التاسع..
المهم عندي شغاله أندونيسيه بصراحه كلمة ممتازه شويه عليها... وأنا مرتاحه تماما
من كل شي يعني في حملي هذا ماشلت هم الشغل والبيت لأتها مكيفتني..
وللأسف اليوم وفجأه دقوا عليها أهلها وقالوا أن ولدها تعبان ومنوم بالمستشفى...
وقالوا لازم تجين علشان ولدك.. ومن الصبح وهي تصيح وتقول أبي أسافر.. وهي بقي له
خمس شهور وتخلص سنتين.. وأنا رحمتها وقلت كيفك نسوي أوراق الخروج ونسفرك..

مع أن وضعي مثل ماقلت لكم مايسمح أبد أني أجلس بدون شغاله.. يعني إما أني أروح
عند أهلي وأخلي زوجي لحاله ..أو أني أستاجر شغاله وطبعا عارفين أسعارهن الخياليه
وأنا ماقدر عليها لأني آخذه أجازه ولا يجيني راتب..

ويوم هدت شوي جت وجلست عندي وقالت لي أنه تبيني أسفرها على حسابي أنا!!!
وأنا رفضت وقلت أنتي ماخلصتي مدتك السنتين علشان أسفرك على حسابي..
قالت أنا ماسويت معك مشكله علشان أسافر على حسابي.. هذا شي غصب علي
والمفروض أنك أنتي تدفعين التذكره لي...
وأنا طبعا رفضت نهائيا لأن بصراحه ظروفي الماديه ماتسمح لي وخصوصا أني ضروري
أقدم شغاله جديده وتعرفون تكاليف التقديم...أو أستاجر وهذي أدهى وأمر..

وأنا مالي ذنب باللي حصل لها.. المهم أنها تناقش وتحاول وأنا رافضه مره..
يوم شافتني ماعطيتها وجه هونت عن السفره كله!!!
وقالت خلاص أبي أرسلهم فلوس وأبي أجلس باقي المده..
بس أنه كل شوي تحضرم وتقول والله حرام.. والغريبه تنازلت عن الولد ومرضه علشان الفلوس..

وش رايكم يابنات الحق معي ولا معها ؟؟ وش رايكم بجلستها أنا بصراحه خايفه تصير
جالسه وهي حاقده علي وعلى ولدي وتسويلنا شي...
مع أنه والشهاده لله من أحسن الشغالات اللي شفتهن لاتحقد ولا تزعل..

يالله أبي آراءكم في موضوعي الله يخليكم ... بأنتظاركم..

يلزم عليك تسجيل الدخول أولًا لكتابة تعليق.

تسجيل دخول

كم احن لوجه امي • 17 سنة

ما ادري ايش اقوولك بس ماحبيت اقرا واطلع..
الله يهون عليك ويثبت حملك ويتمم لك على خير يااارب..
ان شاء الله البنات يفيدوكِ..

** اميرة المنتدى ** • 17 سنة

والله يااختي كسرت خاطري لكن انتي بعد معذوره
بس انتي متاكده انها صادقه ؟؟؟؟؟؟؟
ترى دايم يقولون انه ولدها تعبان وابوها مدري وش فيه والله اعلم اتوقع لو صدق السالفه كانت تركت الدنيا كلها وركضت تشوفه
هذا راي بس لاتاخذين بيه لاني اخاف تكون صادقه ولا سمح الله ولدها يصير فيه شي وهي قاعده عندك وتصير حسره بقلبها

الدانه النجديه • 17 سنة

دامها سكتت عن الموضوع تصبري وخلي هالايام تعدي على خير وانتي اغريها بالجلسه واوعديها خير ولاتقصرين معاها

لان ظروفك على كلامك صعبه فامسك مقرودك على قولتهم وانشاءالله ماهتا الالعافيه خصوصا انك تشهدينلها بالطيب والسنع والزين

والشغاله ينخاف منها اذا كانت لها تصرفات مريبه اكيد مابتخفى عنك

توكلي على الله وخليها تجلس وهاديها لين تقومين بالسلامه

$$ليــنا الحلوة$$ • 17 سنة

لوانا محلك ارسلها على حسابي واحتسب الاجر ..............حرام لو صار لولدها شي بتصير حسره بقلبها العمر كله والضنى غالي

شمــــــوخ • 17 سنة

لو كنت مكانج ماتجلس عندي ولا يوم ...

من ناحية اني اخاف على نفسي وولدي . وناحية الحرام .. لانها يمكن تكون صادقه

و هذول ناس فقراء و محتاجين والزمن جبرهم على الغربه والخدمه في البيوت

وياختي هي قضت 3 ارباع المده .. دفعي عالاقل نص التذكره !!!!

منها تحصلين اجر و منها ترتاحين ..

وبالنسبه لوضعك المادي .. لوفرضنا انها الحين اتمت السنتين فشلون بتقطعين لها تذكره ؟؟

وشلون بتجيبين غيرها ؟؟؟ يعني هالموضوع وراك وراك ؟؟

طيب عندي اقتراح .. اشرايج تطلبين منها تروح تشوف ولدها و ترجع ؟؟ يعني كنها رايحه في اجازه

ادفعي نص تذكرتها و لي جت بترجع ارسلي لها تذكره

و بهذا تكون تكاليفك اقل من مصاريف مكاتب الاستقدام ..