مشكلتي مع ولدي

اعرضي علي استشاري نفسي

يمكن فيه عين ارقيه عند شيخ

الله يهديه

ترا ولدي كذا مررررررررره غيوور ويطق اخته والله معذبني الله يصلحهم بس

الله العالم هذا طبع
فيه أولاد باردين اعرفهم من يوم هم صغار وسبحان الله الان شباب والغالب عليهم الكسل والسبب اهلهم تركوهم على هذا الوضع بحجة أنه هذا طبع في الشخص لايمكن تغييره
أقولك ياأختي لا ..يمكن تغيره كما جربت وعاينك وأكيد ها الطبع ماراح يروح مئه بالمئه لكن راح يتغير لدرجه كبيره.
الي أشوفه انو مسؤلية الوالدين
يعني الاب يعلمه ويأمره رح ..جب ..يخرجه للبقاله معه ..يخليه يشتري اغراض البيت بصحبته ..إذا جاء والده ضيوف رح يافلان جب القهوه ..جب المويه وهكذا
ولايقولون الولد كسول وإلا عجاز يرفع ضغطنا ماسوا الشئ الي نبيه ...لا ...لازم يعودونه من الصغر وبسم الله عليه وليدك رجال ..وأهم شئ لازم يعرف إن ه لازم يسمع ويستجيب لاوامر والديه دون نقاس لأن هذه طاعة واجب امره الله بها
أحياناً يضيق صدري لاشفت أبو يطلب من ولده شئ والوالد يرفع صوته دايم أنا ورا فلان ..
والشئ المفروض أنو الولد متربي على عدم رفع الصوت والطاعه لوالديه بدون نقاش
وفي الجه المقابله أعرف ناس ولدهم خ سنوات بسم الله عليه كأنه رجال بتصرفاته واستجابته لاوامر والده

الشئ الاخر خلوه يمارس نشاطات خارجيه أكثر من فترة جلوسه داخل البيت

بالنسبه للغيره حاولي تخبرينه انك دايم تحبينه وعززي ثقته بنفسه ..إذا شفتيه قاعد عند تلفزيون أو شئ بوسيه وخبريه انه أحلى ولد في هالدنيا .. حسسيه بحاجة اخوه الصغير له وإنه إن شاء الله غذا كبر راح يروح معك المسجد والبقاله ..راح يتعلم منك .وإذا ضربوه أحد من الأولاد راح يستنجد بك وهكذا
واذكري له تشبيه جميل كانت امي الله يخليها لنا إذا سالناها من تحبين أكثر منا تقول أنتم مثل أصابع يديني مااقدر استغني عن أصبع من هالأصابع
وأهم شئ ياأخواتي الحبيبات عودو صغاركم على الاذكار واستودعوهم الله واحرصو على تعليمهم القران وهالأشياء تريح نفسية الطفل بشكل غير طبيعي