مشكلتي و بتمنى تساعدوني

مسا الخير
بنات اول شي انا هي اول مشاركة الي بالمنتدى و انا عندي مشكلة و حابة اخد رايكم
بس بليز بايا يلي بدها تحكي حكي بيجرح يا ريت تضل ساكتة لانو انا جد مو متحملة
مشكلتي باختصار هيي كالتالي
انا بنت سورية عمري 23 سنة و غير متزوجة
من فترة في شخص كان بدو ياني لزواج و الله يا بنات انا عمري ما كان عندي علاقات او اي شي بالعكس انا بنت ملتزمة و قريبة من الله بس هاد الشخص ما بعرف كيف غلطت و حكيت معو حكينا يمكن 5 مرات كان يتصل فيني و انا بالاول عارضت بس بعدين ما بعرف كيف هيك صار و حكيت معو المهم انو هالشخص لما كان يحكي معي و الله ما كنا نحكي شي مو منيح كان كلو بس تعارف المهم انو هالشخص ما كذب عليي و فعلا اهلو اجوا عندنا و خطبوني بس سبحان الله ما صار نصيب هنن بدهم بنت ذات مستوى اجتماعي قريب لمستواهم و انا مو هيك المهم انو ما صار نصيب و كل شي بينا انتهى و انقطع و انا بعدها و الله قضيت ايام و ليالي ما بيعلم فيها غير الله كل الوقت ابكي و اتعب وزني نزل و مرضت كتير و هلأ شوي شوي عم اتحسن و عم ابدا انساه لانو انا فعلا حبيتو و ما عملت شي يسئ لشرفي بالعكس كان حب طاهر و عفيف بس انا حاليا خايفة كتير انو ربنا يغضب عليي لانو انا حكيت مع هالشخص خايفة ربنا يعذبني خايقة بكرا اتزوج شخص عندو سوابق كنوع من العقاب الي والله انا مو بنت سيئة بالعكس و الله انا من عيلة منيحة و متدينة بس صار هيك و غلطت و ندمانة كتير انا شكيت همي لربنا و تبت اليه و وعدتو ما يرجع يتكرر هالشي بس لسا خايفة مع العلم انو هالشخص امس اتصل فيني قال بدو يطمن عني بس انا ما رديت و بعتلو مسج قلتلو انا ما بدي احكي معك مشان ما اخون الله و ما اخون اهلي بس هو لهلأ عم يتصل و مصر يحكي معي و انا ما عم بعرف كيف بدي اتخلص منو بنات انا خايفة اذا انخطبت انو خطيبي يكتشف شي عن هالعلاقة وقتا شو بدي اعمل انا بس خايفة من شغلتين الاولى هيي انو الله ما يكون سامحني و التانية انو كيف بدي اتخلص من هالشخص مشان يبطل يتصل فيني ارجوكم افيدوني و على فكرة انا بعد هالقصة صرت قريبة من ربنا اكتر زدت صلاتي و قراني و اذكاري لانو ما لقيت الراحة غير بالقرب منو و كل يلي بدي ياه انو ربنا يعوضني بشخص يستاهلني و يعوضني بليز ما تبخلو عليي بردكم