مشكله اختي {اعطوها حل الله يخليكم}

السلام عليكم انا يابنات حواء اكلمكم وانا متضايقه جدا جدا جدا جارتي كلمتني في عمها لاختي وتقدم اخوه عند ابوي علشان يكلمه في الموضوع لانه هو في منطقه بعيده عن اهلي وهو ماشاء الله عليه عنده وظيفه زينه واكبر من اختي بثلاث سنوات وقال ابوي لاخوه احنا راح نسال عن الولد المهم جارتي كل شوي تدق علي تسالني عن الرد وانا اقول والله مدري واسال ابوي ويقول الرجاجيل اللي سالتهم ماردولي خبر وامي تقريبا ماكانت موافقه ويقولون اختك لاتدري علشان ماتتعلق في الموضوع لانها كانت مملكه على واحد قبل سنه وطلبت منه الطلاق لان سلوكه غير مهذب والمشكله اني كنت اعلمها بكل التفاصيل وفي البدايه حسيت ان اهلي موافقين وبعدها جاء لابوي خبر انه مايصلح ابوي وامي يعرفون ليش هو مايصلح وانصدمت يوم دقيت على ابوي وقال كلمي جارتك وقوليلها مافي نصيب والله يابنات ان راسي حسيت انه بينفجر واحاول اكلمه ليش ماوافقتوا رفض انه يجادلني وبعدها اضطريت اني اكلم جارتي واعلمها يابنات ماصدقت وانصدمت مثلي وماصدقت عمها معروف بالاخلاق حتى زوجي طلبته انه يسال عنه ومدحوه ناس كثير المشكله انه حب اختي واختي حبته وتسوي نفسها قدام اهلي انها مادرت بشي واتصل على امي اسالها ليش ابوي رفض فتقول ابوك سال عند جماعته وما مدحوه واللي قال الكلام هذا واحد بس وارسل لعمله واحد معروف من جماعتنا علشان يسال عنه لانه في نفس المنطقه اللي يشتغل فيها الرجال ولاسال الا المدير وجاء المدير عند اللي خاطب وقاله فيه واحد جاء يسال عنك ومدحتك عنده واظن يابنات انه كذاب لانه بعد سوال المدير رفض ابوي والخاطب انجن يقول ليه تسالون المدير وانا وياه بينا مشاكل المهم ابوي لسه ماشاف الرجال وكلم اخوه البارح وقاله البنت رفضت والمشكله ان الخاطب حاجز اليوم علشان يجي يشوف ابوي واكلم ابوي وامي اقلهم شوفوه بعدين احكموا وهم رافضيين نهائيا وهو رافض الا يشوف ابوي يقول انهم ظلموه جماعته وظلمه المدير بعد وجارتي قالت اذا شافه ابوك راح يغير رايه المشكله بعد ان امي كلمتني قبل شوي سالتني اذا اعطيت رقمها احد قلت لا بس جارتي تبغى تاخذ الرقم وتكلمك وهي صيحت علي قلت ليش يامي وش فيه ليش رافضينه ولا تبغون على الاقل تستقبلونه قالت سالنا عن العيله وماهم من مستوانا والمشكله اختي يوم دريت بغت تنجن وبكت وقلتلها لاتعلمين اهلي بس امي شافتها تبكي وسالتني قلت علمتها فهزاتني وقلت لاختي انه مابناسبك طلع فيه عيوب شينه علشان اكرهها فيه وبعدها دعاها ابوي وقالها عن كل شي وقالت انا زعلت انكم ماعلمتوني واللحين ماتكلمهم وتقول امي انك انت السبب والخاطب اخذ رقم اخوي علشان يكلمه ويجتمع معه في مكان علشان يتعرفون عليه بكره اوممكن يستقبله في البيت بس بوي مو راضي انه يستقبله يابنات الله يخليكم تدعون لاختي انه يكون من نصيبها اذا كان هذا الشي فيه خير واعطوني حل الله يخليلكم من تحبون