مشكله حقيقيه دامت سبع سنوات في صمت

اولا للتوضيح المشكله لأختي
انا ولله الحمد متزوجه وعندي اطفال واخواتي في المنتدى يعرفوني
اختي لها خمس سنوات متخرجه
جميله وذكيه ورقيقه وطيبه وخجوله وملتزمه ومحافظه نوعا ما
طبعا مااتوظفت ولا اشتغلت
خطبوها اكثر من اربع شباب ورجال متزوجين من ايام الدراسه اثنين وبعد التخرج اثنين
رفضت وماضغطنا عليها
اختي اللي يتكلم معاها يقول حرمه كبيره ناضجه بسبب كبر عقلها ماشالله ومزحها ماعمري شفت زيه
يعني مثلا تطلع منها مزحه او تعليق بسيط في هدوء وبساطه تفطسنا ضحك وهي مجرد تبتسم
كومديتها هادئه
ماامدحها لأنها اختي ولكن لأني معجبه بشخصيتها فعلا
جلست معاها قبل شهر وقلت لها ليه ماقبلتي في فلان ترى ممكن ربي يرزقه ويكبر شغله مع الايام ومافي احد ممكن تاخذيه مقتدر الا اذا كان متزوج او كبير شويه
قالت لا ذا ولا ذا
انا مو هذا اللي يهمني
انا ماحتزوج حتى يروق بالي ويصير خالي من التفكير اللي يفكر فيه
وللعم اختي جدا كتومه فوق الوصف
ومااتكلمت الا لأنها شافت المشكله قاعده تكبر معاها ولازم تبوح لأقرب انسان يقدر يساعدها وانا مو بس اختها
صديقتها ولكن مااخفي عليكم
مع ذلك تفاجئت وحسيت بصدمه غريبه
كيييييييييييف هذي السنوات ماحسينا ولا فهمنا
تخيلو ايش المشكله ؟؟
باختصار قالت :
قلبي طالما يدق عشان شخص واحد
وعقلي مايفكر غير في شخص واحد
وطالما مااقدر انسى او اشيله من خيالي
لايمكن اتزوج غيره
اول نسيني هذا الشخص او اعطيني حل وانا مستعده اتزوج من بكره لو نسيته
آآآآآه ولو تعرفو مين هذا الشخص
شخص اجنبي يشتغل في عمل خاص جدا بسيط وفي مكان معين في المدينه اللي ساكنين فيها
يشتغل في مركز تجاري كبير في عمل بسيط
لايمكن احد يوافقها او يسمح لها بالزواج منه
والاسباب كثيره
لاهو يعرفنا ولا احنا نعرفه
حتى اسمه مانعرفه
كل مافي الموضوع انه يشتغل هناك من سنين طويله جدا تقريبا عشر سنوات
تشوفه من بعيد ويعجبها خجله ولحيته وهدوءه وابتسامته وغض بصره
قلت لها هذا جنون مو حب
قالت اعطيني حل اقدر بيه اشيله من دماغي او زوجوني هو واكون اسعد انسانه
تخيلو انسانه ممكن تتزوج شخص عشان شكله وطباعه في العمل
بدون سؤال عن اي شي عنه حتى اسمه مانعرفه
سبه سنوات تقول وهي بس تفكر فيه وماتروح هذا المكان الا عشان تشوفه من بعيد
وتقول ان هذاك المكان مايزينه شي في عينها غيره
رحت اليوم وتمعنت فيه مع اني خلال السنوات اللي كنت اشوفه فيها هناك عمره ماجا في بالي اتمعن فيه
وجدته فعلا خجول مايتكلم مع السيدات كثير وتعامله فقط مع الرجال ولو اتكلم مع سيده يختصر رده بكلمتين نعم ولا او اسف او شكرا
قربت وقلت له عفوا ايش اسمك
قال : خير يااختي فيه شي؟؟ وجدت شعرات بيضا في لحيته مع انه باين عليه شاب
عرفت انه كبير مو شاب ولكن مايبين عليه
بصراحه رجعت وخبرتها انه مانقدر نتعامل معاه او حتى نقول له شي
اكيد حتى لو اجنبي ومحافظ ومؤدب حيكون متزوج وعنده اطفال ويدور لقمة العيش
قالت انا مااعرف غير اني افكر فيه باستمرار واحيانا ابكي بحرقه لأني ابغاه هو وبس
والله انا في حالة صدمه
عمري ماحسيت عليها شي
وكانت تروح معانا بطلب مننا ونرجع وهي ساكته
الرجال حتى جوال بكاميرا ماعنده
عنده العنيد سبعه ازرق يعني حالته تعبانه
ومهما كان خجول ومؤدب وملتزم ومتزوج تعتقدو ماحيفرح بزواجه من سعوديه لاسباب كثيره؟؟
كيف اخليها تشيله من بالها وتفكر في نفسها بجديه ؟
على فكره يابنات الرجال شكله فعلا جذاب لأي امرأه الله يحفظنا واياكم
بس ماعمري فكرت لأني يمكن متزوجه
بس لما تأملته اليوم كان فعلا جذاب وابيض ورشيق وملتحي وخجول ومايطالع في الحريم ولكنه اجنبي
من دوله عربيه مااحب اذكر ها
انا بصراحه مااعرف ايش اقول او كيف احل الموضوع
واهلي لايمكن يوافقوها انا اعرف
وهي تقول تحبه فعلا مو لعب او مجرد اعجاب
ومع اني متأكده من اختي انها لايمكن تتهور وتهين نفسها الا اني خايفه على نفسيتها من التعب
ساعدوني كيف احل الموضوع
وهل زواجها من شخص اجنبي امر سيء ؟
ولو فرضا وافقنا كيف نوصل له الامر بأن اختي ترغب في الزواج فيه بكل جديه ؟؟؟