مشكله صحبتي. :( ~

السلام عليكم ورحمة الله وبركاته 
كيفكم حوائيات وكيف العشر الاواخر معكم :$
الحممدللله ع كل حال ..بدخل بالموضوع ع طول. 
صحبتي تحكيلي مشكلتها ومو لاقيه حل لها غير انها تدعي ربها ييسر امرها ويرزقها الي يتمناه قلبها. 
المشكله هيا صحبتي تحب ولد عمها وولد العم كمان يحبها بحكم من الصغر مع بعض وكذا بس لابينهم اتصالات ولا اشياء بس انو من زمان صحبتي لولد العم وولد العم لصحبتي قبل فتره تقدم لها لكن ماوافقت والسببب !انو اخو ابوها بينهم مشاكل وانو ابوها مايبي تاخذ من العيله بحكم انو مو نفس مستوى التعليم وكمان مشكلته مع اخوه. 
الحين البنت مو عارفه ايش تفكر يوم رفضت رفضت عشان ابوها قال زواج من العيله مافي طيب وهيا تبيه !!
تحزني تقول احيانا احس انو انسى واحيانا لا يجيني تأنيب ضمير فضيع غير كذا حلمت امس ححلم فجأه تكون جايبه من هالزوج بنت مولوده . 
مو عارفه كيف تقنع ابوها انو ذا مستقبلها وهيا الي بتتحمل النتايج ولاهي قادره تكلمه عشان عارفه انو ابوها ع صح لان بوه اشياء مو كويسه بالشخص الي تبيه لان متعلقه فيه بشكككل. 
ايش اقول لها وايش تعمل حقيقي مررره محزنتني ارجوكم تردون علي ولاتطنشوني :(~
ويعطيكم العافيه يارب.