مشكله عائليه

السلام عليكم ورحمه الله وبركاته 
كيفكم يا اخواني حوائيات وعيدكم مبارك 
حبيت اطرح مشكله لوحده من زميلاتي توها مسكره مني تكلمني عن مشكلتها تبي تستشيرني فيها بما ني صديقتها المقربه 
وقالت فكري واعطيني حل لانها انشغلت وقفلت وبكره بتكلمني 
قلت بعرض مشكلتها عليكم وابيكم تعطوني الحل الامثل وبقولها عليه 
المهم تقول امها وابوها دااااايم مشاكل ع اشياء تافهه  تقول ما ادري ابوي هو بخيل والاهو  حررررص منه يشتري مقاضي البيت بس يخليها عنده في الغرفه يعني مثل القشطه والجبنه والبسكويت والتونه هذي في غرفته اذا يبون يطلبونه ويعطيهم المقدار الي يبونه 
هذا من ناحيه الاكل 
طيب من ناحيه الصياح دايم يصيح ع امها انتي ماسويتي كذا انتي حطيتي انتي فعلتي ليش المطبخ وسخ ليه هذي ع الارض ليه ضيعتي حذيان ولدك دوري لها بسرعه طلعيها 
مايعطي امها فلوس ولاعيديه يمكن ميه ريال 
بس اولاده يشتري لهم 
امها برضه صوتها عالي وتدعي عليه احيانا وصارت تكد ع نفسها تبيع بخور وعسل وفي صف الاولاد 
والبنات مايسمعون كلامها يعندون ويرفعون اصواتهم عليها يقلون انتي بس تحبين اولادك 
واحد من اخوانها شرد من البيت ساكن مع عزابيه 
   عشان المشاكل وواحد ساكن لحاله في ملحق 
وكلمتني تقول ما نبي تجلس حياتنا كذا نبي نكلمهم طبعا تقصد امها وابوها وقالت كيف ابدا معاهم كيف اسوي ماني عارفه وقالت اقترحي عليه 
وانا احترت الصدق ما احس عندي كلام اقوله لها 
فالي عندها النصيحه لاتقصر