مشكله وتبي لها حل جذري

انا راح ادخل بالموضوع بدون مقدمات


وابي من اهل الخبره يفيدوني بمشكلتي هذي بأقرب وقت

انا فتاه عمري 22 سنه مخطوبه من تقريبا شهرين ونص

مشكلتي هي ماعرف كيف اتواصل مع خطيبي او بالاحرى استحي وايد منه (انا طبعي جذي ماقدر اخذ على الناس بسرعه يبغي لي وقت )

بدايه الخطوبه كانت بينا مسجات يعني شلونج شخبارج ... الخ

وانا تعودت على هالوضع خبركم المسجات اسهل من الكلام بالتلفون

ولما يتصل اتم ساكته << ماعرف شلون اسولف ولا ابدي بالموضوع شلونك .. شخبارك .. شلون الدوام .. وبس خلصت السوالف شقول بعد

وكان لما يجي البيت هو يسولف وانا من الاحراج اسكت ولا ارد على اسألته بس ..

ولما يسألني اي شي اقوله سو اللي يريحك .. ولا سو اللي تشوفه يناسبك << ما اشاركه الراي

من خطبني مرتين بس جانا البيت << تملل مني يجي واتم انا ساكته


شسوي والله اني استحي


الحين قرب العرس عرسي بيكون الشهر الجاي


تصدقون ان اخت خطيبي اتصلت فيني سألتني اول شي عن علاقتي معاه قلت لها اوكي .. الا تقولي هو قالي اسألج انتي غاصبينج عليه دايم يقولي هو نفس الكلام محد قادر يفهم اني استحي



الحين هو صار له كم يوم مايكلمني ولا يرد على مسجاتي عقب اتصال اخته فهمت انه زعلان ومب عاجبه الوضع ولا انا عاجبني بس شسوي ماتعودت اني اكلم رجال هاي اول رجال في حياتي ماعرف كيف اتعامل معاه ابي اكسر الحاجز اللي بينا وابي اسولف واضحك معاه يعني بالاحرى ابي اتغلب على خجلي


تكفون ابي نصيحتكم لاتبخلون علي واللي يسلم قلبكم