مشلكتي مع زوجي

مساء الخير

طبعا انا قد سبق نزلت معاناتي مع زوجي وهذا الرابط
http://forum.hawaaworld.com/showthread.php?p=44682014#post44682014



وللاسف دايم وانا بمشاكل معه

تهاوشت معه بسبب دراستي نفسي اكمل دراسيتي باقي لي ثالث ثانوي ومو راضي اني اكملها على اساس اني اكملها منتسبه


المهم انا انقهرت من اسلوبه والله يابنات اللي قاهرني طريقته بالكلام تقهريعني لما يرفض شئ اطلبه منه مايبرر لي سبب رفضه ويتكلم باسلوب مقنع لا يعصب ويسوي من الحب قبه


قعدت اسبوعين ماكلمه ولايكلمني وفوق ذلك الدوره معاي وتعبانه منها ونفسيتي زفت للاخر هذا غير عيالي الله يحفضهم تعبوني


المهم يوم الجمعه رحت انا وهو ازور بنت عمتي زوجه اخوه الا فجاءه ولد جته سخونه مرتفعه رحنا نوديه المشفى وعدها رجعنا البيت الا جاني وقالي لما تنومي العيال تعالي ابيك بعد مانومتهم رحت له قلت امر وش تبي قال الحين ابي احجز لك تروحي لاهلك خلاص حنا ماننفع لبعض


قلت له مابي اروح هذا يبتي قال تروحي غصب عنك وشوفي متى حابه احجز لك ولا انا بحجز من عندي طنشته ومارديت وقومت

الا قام يرسل مسج مرتين يقول متى تبي احجز لك ردي على بسرعه ولا بحجز من عندي طنشته

الا بعد ساعه يرسلي مسج يقولي تعالي ابي انام معك وربي يابنات انصدمت بقوه الا قفلت جوالي
وفتحته بعد ربع ساعه الا يتصل علي قلت بكسر الشر واقوم وشوف وش نهايته رحت له

استغربت من اللي شوفته طبعا اخذ اللي براسه ونام طبعا وانا مثل الهبله اناضر وعلى راسي علامه تعجب



صباح السبت رسلت له مسح عتاب من عندي وان نفتح صفحه جديده ومن هالكلام الا جاني مسج منه يقولي شوفي متى تبين احجز لك عشان اطلع من العمل وامر المكتب رسلت مسج وليه تبيني اروح
قالي خلاص سبق السيف العدل رسلت له والله انت غريب مو قادره افهمك قالي صبرت بمافيه الكفايه والحين كل شئ له ضريبه اذا تبين مني شئ قلت لي ياحبيبي واذا ماتبين صرت انا الزوج الفاسد البخيل الخ


مارديت عليه رجع من الدوام ولاكلمته ولاكلمني

وانا وربي محتاره وش اسوي والله يابنات اني صابره عشان عيالي وربي الا مو عشانه

تعرفون العيال هما الضحيه بالاخر
يعني لو تطلقت انا بتزوج وهوبيتزوج والعيال ضحيه بيننا


هو يفكرني مابي اروح لاهلي واطلق ان حبا فيه بس وربي مو هذا السبب صح احبه واحترمه بس السبب الرئيسي كل عشان عيالي مايعيشون ضحيه طلاق بسببنا



ارجوكم ساعدوني وش اسوي صح انا ازعل كثير بس وربي كل من اسلوبه معي
وكل مره قلت له عدل اسلوبك وربي مازعل يرجع لنفس الموال مليت وربي


الحين مابي اطلق كل عشان عيالي وش اسوي اخاف يحجز لي غصب عني واهلي قالوا لي من اول لو تبي تطلقي عيالك مع ابوهم وانا مستحيل اعيش من دون عيالي يعني مره صعبه انا قلت بخوفه بقوله احجز لي انا بس وحدي والعيال خليهم عندك اهلي مايتحملونهم وانت ابوهم وانت اللي بتصرف عليهم قلت يمكن يخاف ويهون اللي براسه وبنفس الوقت اخاف ينقهر من كلامي يحجز لي انا بس وعيالي يحرمني منهم مع انه مره مو قد مسؤليه عيال ودايم يقول عيالك طفشوني ومن هالكلام

وفوق ذلك لو حجزلي انا والعيال ورحت راح يحلا له الجو عشان بروح للبحرين ودبي فاهمه زوجي لما يكون وراه سفر يوديني لاهلي
يعني ماني عارفه وش اسوي انصحوني تكفون

وقسم بالله مو مقصره بشئ من ناحبه لبس طبخ نضافه كل شئ

تكفون ساعدوني وش اسوي وليه سوى هالحركات مره مستغربه مو قادره افهمه ارجوكم ساعدوني

والردود اللي تجرح توفرها الوحده على نفسها


:44::44: