مش مرتاحه معاه ابدد.....شسوي؟؟

السلام عليكم ورحمة الله وبركاته.....
بنات انا قبل قترة كنت منزله موضوع لي وهو عن خيانة زوجي لي الله يهديه...
بس الحمدلله رجع وتاب...واللي ماتعرف موضوعي تدخل على مشاركاتي...
المهم بنات انا الحين صار لي شهرين من رجعت له...
وزوجي الحمدلله مو مقصر معي في شي ..كل طلباتي مجابه...
دلع ومدلعني....كل يوم طلعه....ويساعدني في البيت..حتى اذا كان صاحي بالليل وولدي اذا صحى يقوم يشيله عني ويهديه..
وما يعطيني الولد الا اذا بغيت ارضعه...تقريبا" كل اسبوعين يعطيني مبلغ معين ويوديني السوق...
ومع هذا كلله احس اني مو مرتااااااااااحه له ابدددد..صح اني للحين ما شفت شي وهو شكله ندمااااان ...
ودووم الاقي حزن في عيوونه ويطالعني وكأنه نادم على اللي سواه فيني...بس يا بنا انا مو قادرة انسى اللي
سواه فيني...كل يوم اشوف صورة هذيك البنت قدامي وصوتها واسلوبها الززفت وكل شي....
هو حلف لي انه تركها وكلمها قدامي وهزأها وهي جلست تسب فيه وتسبني ...بس ماادري اقول يمكن يحن لها...
او يشتاق او او او....ااااه يالقهرر...التفكيروالغيرة بيذبحووني...
انا عن نفسي من رجعت له..تغيرت حيييل عليه وهو ملاحظ هالشي بس ما علق الا مررة وحده بس زل لسانه وقال انتي مو زي اول....لأني حاليا" ما ابين له حبي وشوقي له ولهفتي عليه...حتى وقت هذاك الشي اسوي نفسي بااردة
ومو مهتمه....وهو دووم شااارد واحسه مراات وده يبكي يعني احس العبرة خانقته..بس اقوول يمكن يبكي علشانه مشتاق لها..او يحن لها....
اااه يالقهر ما اعرف اييش اسوي.....
انا واثقه انه يحبني ....بس تعرفون الرجال لااازم تكون عنده عشيقه يعشقها....
ااسفه طولت عليكم بس هذ اكل الكلام في قلبي وحبيت افضفض لكم...
تكفون بنات كيف اقدر ارتااح معه تكفون ساعدوني...
ومشكووورين مقدما"