مصرع طفل عمره سنة واربع شهور والسبب؟؟؟

السلام عليكم انا اشتغل بمستوصف ويوم الاربعاء جا زوجين معهم طفل عمره سنة واربع شهور جثه هامده :( الاخوان المفروض يروحون للمستشفى بس مدري شاللي جابهم غير عدم المبالاة وعدم الاهتمام الطفل بحالة تيبس واول مافحصوه الدكاتره قالو ميت صارله اكثر من 6 ساعات تخيلوووووووو اول ماقالو ميت كانت الجدة والعمة موجودين قامو يصيحون ويبكون بكاء مرير اما الام والاب سكوت تام مع خوف كانهم مرعوبين ومومصدقين طبعا اتصلنا بالشرطة بدت التحقيقات وكان على جسد الطفل ( الاذرع والسيقان ) كدمات زرقاء من كثر الضغط والحادثه حسب رواية الاهل بان الاب والام تهاوشو على الطفل وكل واحد يجره بصوب وطاح منهم على طرف طاولة حادة ومات فورا يالله ماني قادرة انسى هالموضوع كاسر خاطري هالمسكين شذنبه؟ اهمال وتغطرس والدين؟ لاحول ولاقوة الا بالله انا لله وانا اليه راجعون طبعا هم جايبينه على الساعة وحده وكان وقت طلعتنا من الدوام وعرفنا باليوم التالي الخبر من الدكاترة ومكتوب الخبر بجرايد الكويت مالت الخميس ارجو تعليقكم على الموضوع وانا بصراحه الوم الام لانها مهما غلط الاب المفروض تخاف على ضناها ماتجر فيه والاب بعد غلطان لانه شيبي بطفل عمره سنة واربع شهور يعني بيهتم فيه اكثر من امه؟ والا السالفة عناد؟ الصراحه كلهم غلطانين وانا مكتأبه من هالسالفة يمكن لاني شفتها قدام عيني او يمكن لان الطفل ضحية وطاح من ادين اعز ناس واخر شي شافه بدنيته امه وابوه يصارخون ويجرجرون فيه او يمكن لان السبب ان الطفل بعمر ولدي اسم الله عليه :(