يابنات اللي تسال أنا أمس رحت للصناعيه وأخذنا أنا وزوجي معنا مهندس في المطابخ يعرفه رجلي
وكان جدا أمين ودخلنا معه المحلات وكلها كانت غش بغش على حد قوله وقعد يتناقش معهم ولمن عرفوا إنه علرف لعبتهم وقال لهم إنك أنت يالمحل الفلاني لمن تحط المتر بـــــ400 ريال للطبيعي وتقول إنك أرخص من غيرك
إنت قاعد تاخذ من الزوايا وبكذا بتصير التكلفه أكثر وربي إنهم أكبر حراميه
والثاني اللي يحسب لك المتر ب700 ريال ويقول أحسب طولي كذاب قاعد يحسب المتر مرتين
من دون مايحس الزبون
لهم حسبه تدوخ اللي مايعرف لهم ويقول يالله توكلنا وبافصل عندك وهو ربحان
أكثر من 1500 ريال زياده على قولة المهندس
وقال بعضهم تبغا تشتري وإلا تفضل برا لوسمحت
قسما إنهم مجرمين هذا طبعا محل قصر الديار الغشـــــــــــــاش وبقوه
والثاني الشملان وربي غشاشين من جد بس حبيت أنصحكم
تصدقون لي أكثر من شهر أدور مطبخ ماحصلت كلهم غشاشين أبي شي كويس
ومطبخي صغير 2*3 وفيه مساحات ماراح أحط فيها شي :angry:
من جد مره مقهوره وفلوسي اللي معي بس 4000 ريال رجلي:( حالف يقول ماني بحاط
أكثر من ذا المبلغ في بيت إيجار حدي سنتين أو ثلاث بالكثير وأطلع
إيه وشي ثاني قال المهندس روح للمحلات اللي مقابل الصناعيه فيها أشياء المطابخ وبسعر ارخص
ورحنا وتجيكم الصاعقه
تخيلوا المجلا اللي يقولون النصابين ب1200 طلع ب350 ريال
والإكسسوار الدوار اللي بالدرج الزاويه الطويل ب260 ريال
والمروحة الشفط اللي ب800 ريال وربي ب260 ريال
واللي تبي تتأكد تروح وتشوف مقابل الشملان تمشين بعد الشملان ومع الإشاره ترجعين يوتيرن
وبتلاقين المحلات يمينك
للبنات وياليت اللي عندها معلومه تضيفها عشان نوقف مهزلت هاليمنا اللي ماكلينا
ونقاطع بعض المحلات حشا وربي لمن يتكلم الواحد كنه واثق بأن أحد ثاني مغفل
بيجي ويسوي عنده ويضحك عليه
بعد التعديل ... إلى الآن جاري البحث
raazzoony @raazzoony
عضوة
يلزم عليك تسجيل الدخول أولًا لكتابة تعليق.
سارونه2008
•
طيب اختي فصلتي عندهم اذا انك فصلتي بكم كلفك المطبخ وش اسم المحل الله يوفقك اكتبي لي اسمه
طيب اختي فصلتي عندهم اذا انك فصلتي بكم كلفك المطبخ وش اسم المحل الله يوفقك اكتبي لي اسمهطيب اختي فصلتي عندهم اذا انك فصلتي بكم كلفك المطبخ وش اسم المحل الله يوفقك اكتبي لي اسمه
لا ياقمر ردي كان واظح ماسويت للحين قاعده أدور وإذا عرفتي قولي لي
أنا أبي اللي متر الطبيعي بـــــــ300 أو 350
أنا أبي اللي متر الطبيعي بـــــــ300 أو 350
الصفحة الأخيرة