مطبق الزبيدي الكويتي

لكل اللي يبون طريقه المطبق الزبيدي الكويتي بطريقتي الخاصه:p

اول شي طبعا نجهز السمك ونظفه من داخل ونغسله ونملحه ونحط عصير ليمون ونخليه ربع ساعه .

بهالفترة نحضر الحشوة:

كزبرة خضرة مفرومه+بصل اخضر مفروم+فصين ثوم مدقوق+علب فلفل حار مفروم +شبنت او شبت مفروم

تخلط مع بعض ونضيف شويه ملح.

نغسل السمك ونشفها عدل ونحط عليها بهارات مخلوطه او بهارات خاصه بالسمك ونحشيها بالحشوة اللي جهزناها.

الحين نحاول نسكر السمكه عدل بخيط او نخيطها .

نجهز الجدر اللي راح نطبخ فيه الارز نحط فيه ماي كافي لتغطيه السمك ونخليه لما يغلي وشوي شوي ننزل السمك ف

فيه ونخليه شويه تقريبا 5دقايق.نشيل السمك ونخليه على جنب ونحاول نصفي الماي (وهذا الماي راح نطبخ فيه الارز)

بالنسبه للسمك راح نقليه بزيت حار .ونخليه على جنب

الحين نيي للارز لازم يكون مغسول ومنقع 10دقايق بماي حار .

نجيب جدر الي راح نسوي فيه الارز نحط شويت زيت بالقاع ونحط الارز المنقع بعد تصفيته من الماي.ونحاول نحرك ارز بس شوي شوي عشان مايتكسر.الحين نحط على الارز ماي السمك الى ان يغطي العيش بصبع.ولا تكثرون الماي

قطي عليه حبات هيل وعود دارسين وخليه لما يغلي وتبدي حبات الارز تكبر وتشرب الماي .نخفف النار ونحط الحديده تحت الجدر ونجيب ماي ورد+زعفران نحطه على وجه الارز.ونحط السمك المقلي ونغطي الجدر بقصدير ونخليه يكمل استوى على الراحه تقريبا نص ساعه.

وبس سلامتكم واتمنى تعجبكم طريقتي.