مطروح للنقاش .. من الأولى ببر الوالدين .. الإبن أم البنت ؟؟؟ شاركينا رأيك

انا من رأيي ان البنات والاولاد صغار والأ كبار كلهم مسؤليين عن بر الوالدين

صراحة أنا أعاني من هالمشكلة كوني بنت للإبن الوحيد مع عدة بنات..

توفيت جدتي الله يرحمها واضطرينا نجلس أنا وأختي عند جدي لحالنا معاه في بيت كبير ومقطوع عن الناس ...
والأحفاد الباقين محد فيهم فكر يطل علينا و حتى عماتي كل كم يوم يدقون بالتلفون وما تجلس المكالمة أكثر من 3 دقائق ... وفين وفين لمن أحد يجي البيت
احنا مو متعودين على جدي وهو انسان سيء الخلق بدرجة كبيرة .. ولا كتب ولا كمبيوتر ولا جرائد أو تلفزيون ...
اربع و عشرين ساعة بين أربع حيطان وحتى الكلام همس عشان ما نزعجه ..
والأكل مو اللي تعودنا عليه وكل ما بغينا نسوي شي ما لقينا المقادير المناسبة ... ذبحنا الجوع والطفش
والجوال ياويلك يشوفك ماسكته أو يصحى في اليل ويشوفك صاحية .. على طول شكوك وظنون سيئة يا كافي ...
و جاتني وظيفة ولا قدرت أرجع لمدينتي عشان ملك خنشليلية.. يعني مصيري ومستقبلي بين يدينه
طيب نا ابش ذنبي اتغرب عن أهلي وانقطع عن العالم و أضيع مستقبلي لمجرد اني ينت الولد ولازم أنا اللي أضحي بكل شي ...

والله لو أحد جلس عنده من عماتي أو عيالهم ما كان صار شي ... قريبين من بيووتهم وأهلهم و أحبابهم ومدارسهم وكلياتهم .. أبعد وحدة ربع ساعة وهي واصلة ..

و إذا أحد قال شي قالو احنا عندنا أزواج وعيال مايستغنون عنا والمدارس وحياتنا و ما نقدر نخليها ...
يعني ابوي ماعنده زوجة وعيال ومدارس و حياة .. ولا احنا ما نسوى و هم يسوون

منطق غريب جدا ...
وصح كلامك يا تفاؤل وطموح القرآن ما وصى الولد وترك البنت .. والبر يشمل الجميع واللي ما عنده استطاعة ينوب عنه اللي يقدر .. سواء بنت أو ولد ..
الوالدين ما خلفوا أولاد فقط وتعبوا عليهم ..وجابوا البنات من الشارع عشان ما يكون عليهن حقوق لوالديهم .. بالعكس أنا أشوف ان البنت أرحم وأبر من الولد ..ي

ممكن رأيي فيه خطأ بس أنا أتكلم من الواقع اللي أعيشه ووالله اني مقهورة لأني اضطريت أجلس عند جدي وهو عمره ما فكر فينا ولا سألنا كيف الحال أو مبروك النجاح أو حتى ناداني باسمي .. كل شي لبنات عماتي وفي الآخر ما نفعه إلا احنا وهم محد فيهم فكر فيه يوم احتاج .. ولا أول كل شوي وهم جايين يفرحون بالسوالف والمزح والفلوس ...
صدق لا قالوا عش رجبا ترى عجبا ..
الله يفرج همنا ويعطي كل واحد على قدر نيته ولا يضيع تعبي يا رب
ومشكورة أختي على الموضوع .. خليتيني أفضفض وأطلع اللي في خاطري ..

hash hash

اسمحيلي اختي,,الشرهه مو على جدك ولاحتى عماتك
الشرهه على ابوكم اللي المفروض هو احن انسان عليكم..كيف يترككم عند جدكم؟!!
كان من باب اولى هو يقيم عند ابوه,,يرعاه في كبره باعتباره الولد الوحيد بين بنات

وانتي عارفة انو بمجتمعنا السعودي وحتى الخليجي مسؤلية الوالدين ملقاة على الابناء الذكور اكثر شي..وبالاخص في امور السكن والنفقه,,اما البنات فمستحيل تجي تسكن عند اهلها هي وزوجها

وهذا ما انكر انه منطق صحيح باعتبار الابن من واجبه ان يتكفل بالنفقة على والديه ان كانهم محتاجين,,وكمان انه يسكن مع زوجته واعياله في بيت الوالدين او احدهم ان كان الاخر فارق الحياة

لانه من الصعب انو بنتهم تتكفل برعايتهم والسكن معهم في البيت بعدالزواج

اتكلم عن نفسي انا عشان زوجي هو الكبير بالرغم ان في 5 او 6 من الذكور غيره,,فهو متكفل بالسكن مع امه وبنفقتها..

البنات ماااااااااااالهم دخل..وبقية الابناء كل واحد ببيته المستقل

الا انا عند عمتي ام زوجي!!

ما انكر اني انحرمت من الاستقلالية اللي ينعم فيها سلفاتي..وكونهم ضيفات خفيفات على قلب عمتي والبنات
للاسف سكن عمتي عندنا خلاني انا اكره واحده لقلوبهم..لكن الباقيات لهم المحبة والاحترام والحشيمة
حتى خوات زوجي بدال مايقدرون سكن امهم عندي,,للاسف هالشي كرههم فيني واي مصيبة يخلوني سببها!!
تعبت نفسيا وصرت عصبية وتغيرت تصرفاتي وصرت عدوانية وقاسية مع اهلي وخواتي وعيالي وزوجي.. لكن مع حمولتي كأني دجاجة منتوفة,,اخااااااااف منهم بسبب بر زوجي بأمه بصوورة حسستني معه بعدم الامان.وبسبب قووة خواته وممارستهم الضغوط على زوجي مستخدمين امهم اداة ضااااااغطة,,وانا الضحية
صرت أأخذ ادوية,,وتجيني نوبات خوف مالها سبب مباشر..تغيرت تغيرت ماصرت سلطانه اللطيفة الرقيقة..حتى اهلي لاحظوا هالشي واحيانا زعلهم مني

بس ايش اسوي؟بستمر طووووول عمري بهالوضع دام عمتي على قيد الحياة
وحتى ان توفت راح يستمر وضعي كذا لاني انا خلاااااااااص مرضت

أم جمو ومرمور
شكرا على تفاعلك وإبداء رأيك

hash hash
خذي راحتك عيوني وفضفضي ..
وهذا كان قصدي من طرح الموضوع ... أنا أرى أن هذا غير منطقي ويسبب تفرقة وحقد بين الأقارب ومشاكل عائلية من الممكن تفاديها بقليل من التفكير السليم والمعالجة المنطقيه للأمور وفق شرع الله

وننتظر تفاعل باقي الأخوات و آرائهن ..

بر الوالدين يشمل الجميع الذكور والاناث