مطلقه وتقدم لي شخص ولكن...

السلام وعليكم
انا مطلقه بسبب انه ماكان كفو وغير موظف وعنده عقد ونفسيه ومشاكل من اهله ومن ماضيه و جبت منه ولد لكن ربي ماتمم الزواج لي سنتين مطلقه
وقبل فتره كلمت خطابه واشترطت انه موظف وأنه أصل وغير متزوج وحصلت لي مطلق عنده طفلين انا ضد اني آخذ متزوج عشان كذا كلمت خطابه طلع صادق ومحترم وجاد تواصلنا عن طريق الخطابه وبعد شهر ضفته عندي لكن كلامنا وتفاهمنا كله بنية الحلال ماسمع صوتي ولا شافني وكلامه كله محترم بس حكيت له أسباب طلاقي عن طريق الرسايل ومن هالكلام وهو كان يبغا يعرف كل شي قبل يرتبط لأنه مطلق وعاقل وفاهم
وحس اني انسانه محترمه وعرف نيتي وعرف عايلتي وسأل ويبغا يتقدم لي
لسا ماشافني بس ماقلت له اني قصيرة قامه صح اني جميلة وشكلي مثل السوريات بس اخاف مايعجبه قصري مو قصر عادي قصر قامه مو وراثي طولي ١٣٥ ووزني حلو وهيئتي متناسقه عندي طفل طوله طبيعي من طليقي

كيف أبين للخاطب اني قصيرة قامة مو قصر عادي بدون مايحس اني ماني واثقه بنفسي رغم اني جميله وكيف اعرف اذا هو بيقبل قصر قامتي أو لا وكيف أفاتحه بالموضوع أو اتركها للنظره الشرعيه