مطلقه وحضرتي مناسبه وش الحل

..

الله يفرج همومك ويرزقك من واسع رزقه

ويعطيكي ما تتمني

..صباح الخير ..


انا مطلقه وعندي طفله .. وأفتخر جدا بـ هذا اللقب لـ انه من رب العالمين لي ..
ونفس الأسئله تنطرح علي فـ أي مكان عام ..
وارد وبكل ثقه نعم مطلقه وقبل يسألوني عندك اطفال اقول وعندي طفله ..
تقول للقمر وخر هذا محلي ..!
لو أنك أيمانك بـ الله كبير .. كان أنتي زيي وزي أي مطلقه تؤمن بـ أن كل ما كتب لك فـ اللوح ..
هو بـ أمر الله ولا غيره ولا يحق لك الزعل ولا الأعتراض..
هذي سنة الحياه لبى قلبك .. ونحن اطلقلنا مش لـ عيب فينا .. ابدا ابدا ..
وأنما لـ أن الحياه الي دخلناها .. ما كانت مرضيه لنا .. وقد نستحق حياه أفضل منها ...
ومع رجل أكفأ من الرجل الذي سبق لنا الأرتباط به ..

×


وخرجنا منها بـ أرادتنا .. فـ ليه الزعل والضيق ..
الحمد لله الحياه جدا جميله بـ وجود أهلنا وأحبابنا .. وانا معك في أن الزواج للمراه مهم جدا ..
لكن ي خيّه أذا الله بلاك برجل .. ما فيه خير هل تصبرين عليه وعلى أذاه ..؟!
او تختارين بيت أهلك اعز وأكرم لك ...
أقسم بـ الله العظيم في هذه الليالي المباركه أن لقب مطلقه عمره ما سبب لي أي أشكاليه ..
ولا أحس بنقص فيني ولا عيب .. بـ العكس أنا في مجتمع أهلي وجماعتي ..
من أفضل النساء على الاطلاق .. وتفوقت عليهم في أمور كثيره والكل يشهد لي بذلك ..

×


ومع كل المميزات التي حظيت بها قبل زواجي وبعد زواجي ثم طلاقي
.. في حياتي الا أني لم أوفق في زواجي بـ المره ..
ولم أعترض ولم أكترث ولم أتذمر .. صبرت وقلت الحمد لله حمدا كثيرا ..
وأي شخص يشوفني يدعي على طليقي لـ انه طلقني .. ويقولون من هـ المجنون الي ..
هانت عليه نفسه وطلقها .. يقولونها وانا حاضره وأنا غايبه ..
وأذا دخلت مكان عام او زواج وقمت ولا تحركت وسألوا عني الحريم وأحد قال لهم مطلقه ينصدمون ..
كيف وليش .



. وأرد بكل هدوء ..
انا من طلبت الطلاق لا تدعون عليه ..!
والحمد لله عايشه حياتي ومبسوطه ومرتاحه .. وبنتي أكبر سبب لي في ثقتي بنفسي وسعادتي ..!
وما جا من الله حياه الله .. والله الله .. !

×

قوي ثقتك ب نفسك .. وعلاقتك بـ الله تعالى .. وخلي نظرتك لـ نفسك فوقيه وليست دونيه ..!
ورح تزين أمورك كلها .. وجاوبي الناس بـ منتهى الصراحه على أي سؤال ..
لـ انك ما سويتي شئ غلط ولا حرام ..!
أسأل الله أن يعوضك بـ رجل أفضل وأبرك من رجلك الاول ..
وأن يحفظ لك طفلك وان لا يريك فيه مكروها ..
ي هلا والف غلا ي عمري ..!



..ركب الاغراب..

مافيها شي اذا قلتي انك مطلقه لان الطلاق لهو عيب ولاحرام والله شرع الطلاق ومو كل وحده مطلقه بطاله بس هذا نصيبها ولازم كل يدري انك مطلقه لانه كيف تنخطبين الا اذا انتشر خبر طلاقك والله يعوضك في اللي ابرك من زوجك السابق

عاااااادي لا انت اول وحده ولا اخر وحده تطلق ... وش فيه الطلاق .. و ذكر في القرآن الكريم ((فإما إمساكن بمعروف أو تسريح بإحسان)) .. يعني ما تطلقتي موضه ولا مزاج .... فيه امور اجبرتكم على الفراااق ..

ابدا لا تنظرين لموضوع الطلاق من نظره محدوده نظره مجتمع قديم وتفكيره عقيم .. الحين الناس بدت تغير افكارها صح للآن موجودين المرضى اصحاب التفكير التعبان .. لكن دايم ارتقي عنهم نمي ثقتك .. اذا احد سألك قولي ايوا مطلقه والحمدلله على كل حال ... اذا احد قالك احملي او شي اكيد انه ما يعرفك وقالها من حسن نيه وبالغالب تكون علاقات عابره مثل المشاغل غرف الانتظار وماشابه فسلكي للموضوع ... او اكتفي بقول ان شاء الله .. واللي تتكلم معااااك بطريقه فضضضه وتحسين نوع من اللقافه لا تعطينها وجه ... لانه خصوصيات حتى لو كنتي متزوجه لا ترضين احد يسألك متفقه انت وزوجك ماتجيبون اولاد ....

ترا كثييير بنات تطلقوا وتزوجوا وكملوا حياتهم ... وفيه اللي تطلقت ولا تزوجت لانه اكيد خير لها وربي اختار له الخيره بس طورت نفسها بشي ثاني تجاره شغل طلعات وسفرات ... انشغلي بتربية ابنك ودراسته واذا جاك النصيب محد يرده او فكري لك مشروع صغير وبسيط طوري فيه نفسك ...

وتزكري انو حتى من الصحابيات رضوان الله عليهم فيه مطلقات وهم ازواجهن الصحابه خير من مشى على الارض ...

هذي سنه من سنن الحياه ..

الله يسعدك ويوفقك ويكتبلك اللي فيه الخير ..

ولكي يارب امين


ركب الاغراب

كلامك مريح

لكن الواقع صعب مااقولك انا فشلت بحياتي بالعكس لكن هالكلمه اطلقت علي تغيضني والله

الله يوفقك ياعمري ع هالكلام


أميره


الله يوفقك ياعيوني والله ادري مو عيب ولاحرام :(