الطريقة هي طريقة عمل المظبي على الملح أو تعرف بالطريقة الحايليةاو بالاصح طريقة اهل حائل
المقادير
كيس او اثنان ملح قصب خشن
لحمه خروف صغير طازجه......
بهارات لتكشين اللحم بشكل خفيف جداً غير ملاحظ ..
ملح ناعم خفيف
بصل
طماطم
فلفل بلدي
زيت طبخ أو تاخذ من شحم الهرفي افضل
ورق الغار لزوم الكبسة عشان تطلع نثرية وبها نكهه الرز الزربيان العدني ذو النكهه المميزه ..
حبات هيل توضع مع الارز
عويدي او مسمار يوضع مع الارز
رز ابو كاس حسب عدد الاشخاص (طريقة الليلة لثلاثة اشخاص تكفي اربعه
الطريقة
1
أولا ناخذ الملح ونطشه بالقدر حتى يملأ اقل من ثلثه او ربعه تقريبا بدون ماء ولا شئ .. الكيس يكفي اذا كان حجم القدر صغير .. واذا كان القدر كبير كيسان الى كيس ونص ..
نشعل النار على القدر ثم نكب الملح ساده وسطه ولا تخاف ما راح يميع او يحترق من الحراره ابدا ابدا ..
2
يترك على نار هادئة لمدة عشر دقائق حتى يسخن الملح وتأكد من ذلك بلمس الملح باصبعك ..
بعد ذلك اخلط اللحم مع البهارات بشكل خفيف جداً وكذلك اضافة قليل جداً من الملح لأن اللحم سيتشرب بجزء من بخر الملح ..
الان بعد ما تبلنا اللحم .. الملح وسط القدر اصبح يصدر صوت خفيف طقطقه من اثر الحراراه .. ناخذ اللحم ونضعه بكل هدوء فوق الملح قطعه قطعه .. ولا تحرك القطع من مكانها بعد اول مره تضعها فوق الملح .. تمام ..
3
الان بعد ما صفيت اللحم فوق الملح لا تخاف عليه ابد .. كل المطلوب منك ان تضع القصديرعلى فوهة القدر بشكل جيد لفه مره او مرتين واتركه لمدة ساعة اذا كان اللحم صغير طازج .. ولا ترفع عنه القصدير ابداً .. وستبهرك رائحة اللحم المظبي بعد نص ساعه من وضعه داخل القدر .. لذلك لا تنزعج كثيراً ما دام النار هادئة ..
4-
على بال ما ينضج اللحم ضع البصل والطماط واحمسهم مع الفلفل وضع الهيل والعويدي .. وخل شغلك على رواقه لان امامك متسع من الوقت على بال ما ينضج اللحم ..
5
طش الماء في القدر وخله لين يسخن ثم ضع رز ابو كاس ومعه ورق الغار وطبق على قدر الرز لين يستوي وخله على نار هادئة ..
6-
شيل القصدير بعد ساعه لان اللحم قرب يستوي ويطلع شكله غير محمر ولا اروع ولونه ورائحته تاخذك الى عالم آخر من الخيال .. بشويش حاول تاخذ اللحم من فوق الملح بدون ما تحركها كثير يعني تشيلها بحرفنه وهي راح تجي معك
..
7
الارز يكون استوى واللحم كذلك وبكذا تضع اللحم فوق الرز وهذي هي صورة اللحم على الرز من قريب
وبالعافيه عليكم
منقووووووووول لعيونكم
وانا جربته رووووووووووعه وكمان على الدجاج وانتم جربوا وردولي خبر
الله الله بالردود السنعه....
يم يم يمي
لاتخافوا من كثر الملح مايطلع طعمه مالح فقط لطبخ عليه شكلكم خفتوا >>>>>ههههههههههههههههههههههههههه
الله الله بالردوووووووووووود