معاكسات الشباب للبنات فى العالم العربى

الموضوع ده بجد مهم بالزات للى عايشيين فى العالم العربى
الشباب بيعكسوا البنات سواء باللفظ او بالفعل
والناس بتتفرج عليهم وكانهم مش هنا وكان شهامة الرجل العربى راحت طبعا مش كلهم
انا هحكلكم حكايتى
انا من مصر من الارياف طالعة الصبح رايحة الكلية الساعة سابعة ركبت عربية ميكروباص من قدام البيت والعربية فيها اربع كراسى كبار.الكرسى الاول والتانى مليانين رجالة يعنى فيه 6 رجالة والكرسى الاخير فيه شابين والكرسى التالت فاضى وهو ده اللى انا قعدت فيه.انا اصلا هنزل بعد 3 دقايق لان المواصلة صغيرة .حسيت ان الشباب اللى ورايا مش مظبوطين قولت لنفسى ما فيش حاجة.قولت للسواق وقف هنا لو سمحت لان اصلا ده المكان اللى بنزل فيه لقيتهم بيقولوا لبعض دى نزله هنا وبيضحكوا وانا نزلة حسيت بيد جات على الجيبة فى مكان حساس.بم انى كنت لبسة جيبة جينز ما حستش باليد قوى بس كنت متاكدة ان حد حط ايده عليها التفت ليهم وقولتلهم مين اللى عمل الحركة دى واحد فيهم بص للشباك والتانى قالى خلاص انزلى يا ابله كررت وقولتلهم مين اللى عمل الحركة دى مرتين كل مرة يقولى انزلى خلاص يا ابله بلا مبالاه والتانى باصص للشباك .كنت منتظرة حد يرد من اللى فالعربية ولكن للاسف كأن ما حصلشى حاجة.مع العلم انا محجبة والحمد لله لابسة لبس محترم وفضفاض وحتى لو كنت مش محجبة ده ما يديلوش الحق.لما لقيت ان اللى فالعربية خلاص نسيوا يعنى ايه معنى الشهامه.فى لحظتها ضربته بالقلم لكن للاسف رد لى القلم وكان عاوز يضرب بيده لكن والحمد لله واحد بس حاش ايده من غير ما ينطق ولا يقول حتى فيه ايه.قولتلهم مش نازله الا لما اعرف مين دول ما حدش رد سألت اللى فى العربية ما حدش رد وحتى اصلا مش بيبوصولى ولا كأن فى حاجة وفى الاخر واحد كان راكب قدام جنب السواق وهو قاعد تكرم وقالى هو انتى بنت فلان قولتله ايوه قالى خلاص انا هكلم بابا قولتلى يعنى حضرتك مين.قالى خلاص انا هكلمه.وكنت زى اللى بيشحت منهم ما فيش حد قاللى اسمهم ومشيت على امل ان الراجل يكلم بابا وفات يوم وما كلمهوش مش عارفة الاخلاق راحت فين

المشكلة انى حكتلهم فى البيت بابا قاللى ما كنتيش تضربيه لانك ما تعرفيش رد فعله هيكون ايه وكنت اشتميه وخلاص.وبقى اعرفى اسمهم
اذا كان انا عملت ده كله وما حدش نطق باسمهم
ماما قالتلى كنتى اسكتى اديكى جبتى لنفسك الكلام وخلاص
قولولى اعمل ايه هل الحل ان احنا نسكتوا ونتهانوا وكأن البنت هى الغلطانه وكأننا مخلوقات درجة تانية فى المعاملة الست لازم تشتغل بره وجوه وتربى وهو يجى عاوز كل شئ مظبوط
الولد يعمل اللى عاوزة ويكونلو علاقات والبنت حتى ما تكلمش الولد سواء بخير او بشر
ده عدل


انا طولت عليكوا اسفه بس حبه اسمع ردكم

"المرأة لازم تدافع عن حقها وما تنتظرش حد تانى يجبهولها"