معاملتي مع اهل زوجي

السلام عليكم حبيباتي انا اول مره اشارك بهذا القسم فاتمنى الكل يتفاعل معي ويعطيني وجهة نظره وبكل صراحه السالفه ومافيها انا لي سنه واربع شهور من زواجي ومن يوم ماتزوجت ماعمري رحت لاي شخص وشكيت له حتى امي اصلا انقد على اللي تطلع اسرار بيتها بس الحين جايه اقولكم قصتي لاني حييييييييييل تعبت من كثر ما اكتم من يوم كنت عند اهلي وهذي عادتي اكتم كل جروحي ,, السالفه اني من يوم كنت عند اهلي وانا ما احب الاجتماعات كثير بمعنى اخر انطوائيه وكذلك كنت اعاني من كثر مشاكل ابوي مع امي كان دايم يضربها ويهينها قدامنا وتزوج عليها وقام يحب عيالها اكثر منا ويمدحهم قدامنا باختصار طلعت من بيت اهلي وانا كلي هموووووم رزقني ربي زوج مره حبوب وطيب بس المشكله ه انا ساكنه مع اهله بس شقه خاصه لي فيها كل شي معاملتي معهم سطحيه يعني اسلم عليهم ابتسم في وجيهم يعني بدون مدح اخلاق لا شفت شي يضايقني اسكت ماروح اقول زوجي اقول عيب اتشكى له من اهله طبعا عايشه معه الحمدلله في سعاده بس اهله قاموا يقولون له ليش ماتحضر عزايم اقربانا ليش مانشوفها دايم وكثر الكلام مع العلم اني كل مااجتمعت معهم يشوفون التلفاز والا على الانترنت والا يشوفون افلام وانا الحمدلله مااحب اشوف التلفزيون وانصحهم بس مايسمعون مني فقلت خلاص انا في شقتي مرتاحه ومسويه لي نظام طول اليوم وكذلك لما قللت الاجتماع معهم قلت المشاكل بس ابغى رايكم في حياتي كذا هل انا صح والا لا,,,,,,,, في حاجه ثانيه هو الحين زعلان مني عشان امه كانت تعبانه ولا صلحت الغداء عنها مع العلم انا وزوجي ناكل لوحدنا بس انا عشان ماتعودت ماجاء في بالي اني اصلحه وعندها كذلك شغاله زعلان لدرجة انه تلفظ علي الفاظ اول مره يقولها ولا يقول يمكن اوديك لاهلك وكلن يروح بطريقه بنات بالله عليكم هل لهالدرجه كل هذا يستاهل الزعل وهل اهله لهم حق علي غير الاحترام وحسن الاخلاق واني ما غير ولدهم عليهم,,,,,,, وربي اني تعبت من كثر التفكير وتانيب الضمير ,,, عطوني رايكم الله يخليكم ويسكنكم فسبح جناته يارب.......