معاناة زوجي معي

السلام عليكم احلى عالم :) كيفكم ؟ ان شا الله الكل بصحة وسعادة
مو عارفة كيف ابدا موضوعي :( انا الحمد لله متزوجة من سنة وشوي وعندي طفل الله يخليلي اياه
انا تزوجت وسافرت بلد تاني وتغربت عن اهلي والمشكلة انو من لما تزوجت وانا حاسة حياتي كلها نكد وصرت اتمنى ارجع لحياتي قبل
الحمد لله زوجي طيب ومنيح وما اذاني او دايقني بشي اجمالا وطبعا كل انسنان لا يخلو من السلبيات , احنا خطبنا اكتر من سنة وكنا سمن وعسل مع بعض بس من اول ايام زواجنا وانا حاسة بشي دايما ببعدني عني بحاول يكرهني فيه بحب ادايقو مع انو بحب يقرب مني ويوطد علاقته معي ونعيش عادي بس انا مو قادرة حتى كعلاقة زوجية انا تقريبا حارمتو منها وقليل حتى يصير شي بسببي وهو بتحمل وساكت بس اكيد ما حيضل يتحمل
حتى حبيبي او اي شي حلو قليل جدا حتى احكيها عكس قبل حتى اهتمام بنفسي عشانو ما بهتم بس بهتم ازا في اي مناسبة او زيارة :( بعرف الكل حيقولي زوجك منيح وانت الغلط وليش وليش
بس والله انا ما بعرف شو عم بصير وليش هيك وكل ما حاولت اتغير برجع متل اول والله انا تعبت كتيييييييييييير بعرف اني مقصرة معو بكللللللللللل شي
الناس كلهم مفكرين انو احنا مبسوطين مع بعض وما في منا بس ولا حد بعرف الشي اللي عم بصير بيننا
حتى مرات بقولو خلص خلينا نتطلق بس هو برفض وبزعل وانا من جواي بحبو وما بدي بس حاسة اني ظالمتو كتييير
حتقولولي حرام عليك وليش هيك وما بستاهل , والله عارفة هاد الشي كلو بس مو قادرة في اشي جواي دايما بحاول يكرهني في وبخليني احب ادايقو والله انا تعبانة كتييير من حياتي هاي ومو عارفة شو الحل ولا عارفة احكي لحدا اي اشي لأنو الكل حيحط الحق علي بس ما حدا حيفهم شو اللي جواي وشو عم بصير معي
اسفة على الاطالة بس مو عارفة احكي لحدا وقربت انخنق :(
ادعولي